[ The President ] Նախագահը, որ գտել է Պյութագորասի թեորեմի նոր ապացույցը

[ The President ] Նախագահը, որ գտել է Պյութագորասի թեորեմի նոր ապացույցը

Նոյեմբերի 8-ին ԱՄՆ-ում ընտրելու են երկրի 45-րդ նախագահին: newmag-ն անդրադառնում է ԱՄՆ բոլոր նախագահներին` ներկայացնելով նրանց մասին գրեթե անհայտ, զարմանալի փաստեր:

ԱՄՆ 20-րդ նախագահ (1881 մարտ-սեպտեմբեր) Ջեյմս Գարֆիլդը երկրի առաջին ձախլիկ նախագահն է եղել: Պատմաբանները պնդում են, որ ձախ ձեռքով նա գրում էր հին հունարեն, աջով՝ լատիներեն:

ԱՄՆ 20-րդ նախագահը եղել է նավապետ, ուսուցիչ, դպրոցի տնօրեն, քաղաքացիական պատերազմում՝ կամավորական ջոկատի հրամանատար, այնուհետև՝ գեներալ:

garfield 16

Գարֆիլդը գտել է Պյութագորասի թեորեմի նոր ապացույցը:

Նա 9 անգամ ընտրվել է որպես կոնգրեսական: Եղել է ԱՄՆ պատմության մեջ միակ մարդը, որը միաժամանակ եղել է ներկայացուցիչների պալատի անդամ, սենատոր և նախագահ:

Garfield_assassination_engraving_cropped

Գարֆիլդը Լինքոլնից հետո եղել է երկրորդ նախագահը, ում սպանել են: Այդ պատճառով 1881 թվականը բացառիկ տարի է ԱՄՆ պատմության մեջ, քանի որ նույն տարվա ընթացքում երկիրն ունեցել է 3 նախագահ:

Գարֆիլդի սպանության ականատես է եղել Լինքոլնի որդին: ԱՄՆ 20-րդ նախագահի արձանը տեղադրված է Կոնգրեսի բակում:

Գրել կարծիք