Ֆրենսիս Քուրքջյան. Հայկական ամենահայտնի «քիթը» ստեղծում է աշխարհի բույրը

Ֆրենսիս Քուրքջյան. Հայկական ամենահայտնի «քիթը» ստեղծում է աշխարհի բույրը

Ֆրենսիսի կուռքը լեգենդար օծանելիքագործ Ալբերտո Մորիլասն է, մուսան` Քեյթ Միդլթոնը, երկրպագուն` Կետրին Դենևը: newmag-ը պատմում է մեր օրերի ամենահայտնի և հեղինակավոր պարֆյումերի մասին, որի արմատները ձգվում են Արևմտայն Հայաստան, բիզնես ծրագրերը` այժմյան Երևան:

FRANCIS_KURKDJIAN_MAINՖրենսիս Քուրքջյան անունը  հայտնի է համաշխարհային պարֆումերային շուկայում, միջազգային մամուլը նրան հոտառության վարպետ է անվանում: Ֆրանսիացի ժամանակակից պարֆյումերը հայտնի դարձավ 26 տարեկանում, երբ Ժան Պոլ Գոտյեի համար ստեղծեց Le Male բույրը: Օծանելիքը ամենավաճառվողներից մեկն է աշխարհում:

«Պարֆյումեր լինելը հրաշագործ լինելու նման է. ինչ-որ մեկի զգացմունքների վերարտադրությունն է քո ձևով: Բույր ստեղծելն ինձնից մեծ էներգիա է խլում, քանի որ այն բաղադրիչների սոսկ համադրում չէ:  Ես ստեղծում եմ մի բան, որը դառնալու է հիշողություն»:

Ժան Պոլ Գոտյեի հետ գործակցությունից հետո, Քուրքջյանի գործընկերների մեջ հայտնվեցին աշխարհի ամենահայտնի նորաձևության տները: Ֆրենսիս Քուրքջյանի 40 աշխատանքներից են Elie Saab Le Parfum-ը` Elie Saab նորաձևության տան համար, My Burberry-ին`  Burberry-ի, L’extase-ը`  Nina Ricci-ի, Narciso Rodriguez-ը` Narciso Rodriguez բրենդի համար:

«Երբ պարֆյումերը սովորում է, նույն կերպ է նայում գլուխգործոցին , ինչպես նկարչություն սովորող  ուսանողը` թանգարանի նմուշներին: Սիրում եմ Պիկասոյի խոսքը. Դու նմանակում ես, նմանակում և մի օր մոռանում ես դա ու ստեղծում գլուխգործոց»:


Ալեք Քեշիշյան. «Անկողնում» Մադոննայի հետ 

Էնդի Սերկիս. Գոլումի հայկական արմատները

Յաշար Քուրտ. Թուրքական ռոքի հայ Վարդապետը


Պատանի Քուրքջյանը արվեստով էր հետաքրքրվում, երազում հայտնվել բեմում: Բալետային կարիերան այդպես էլ պատանեկան երազանք մնաց. Ֆրենսիսը ձախողեց Փարիզի օպերային դպրոցի քննությունն ու հայացքն ուղղեց պարֆյումերային շուկա: Քուրքջյանը պարֆյումով հետաքրքրված էր 13 տարեկանից:  1990-ին ցանկությունը  նրան տարավ Վերսալ` մասնագիտական կրթություն ստանալու:  Ֆրանսահայ պարֆյումերի հիմնած The Maison Francis Kurkdjian ընկերությունը շուկայում առաջատար է և ներկայացված է աշխարհի 300 անկյուններում: Հարցազրույցներում Քուրքջյանը  հաճախ է նշում երևանյան խանութի մասին:

«Այժմ իմ բիզնեսը ընդլայնելու պահն է, և Հայաստանը ճիշտ ընտրություն է»:

Քուրքջյանի  արմատները ձգվում են դեպի Արևմտյան Հայաստան:  Ցեղաասպանությունը վերապրելուց հետո նրա ընտանիքը բռնել է գաղթի ճամփան ու հայտնվել Հալեպում: Այնուհետև ընտանիքը հաստատվել է Ֆրանսիայում: Ֆրենսիսը  ծնվել է 1969-ի մայիսին, Փարիզում: Հայկական արմատները ֆրանսահայ պարֆյումերին հաճախ են Հայաստան բերում: Հայ երիտասարդներին նա օգնում է ներգրավվել օծանելիքի բիզնես:

Գրել կարծիք