I’m coming home.  Մխիթարյանի մինի-ճակատամարտը կլոպյան դերբիում

I’m coming home. Մխիթարյանի մինի-ճակատամարտը կլոպյան դերբիում

Յուրգեն Կլոպը վերադառնում է տուն, Մխիթարյանը հիմա նախկին մարզչին շատ բան ունի ապացուցելու: newmag-ը վերլուծել է «Բորուսիա»- «Լիվերպուլ» հանդիպման նախապատմությունը:

Այս ուրբաթ տեղի ունեցան ֆուտբոլի Չեմպիոնների եւ Եվրոպա լիգայի խաղարկությունների քառորդ եզրափակիչ փուլի վիճակահանությունները: Եվրոպական ֆուտբոլի ամենահեղինակավոր առաջնություններում ձեւավորված զույգերից կարելի է առանձնացնել դիտարժան դիմակայությունները: Սակայն դրանցից մեկն արժանի է հատուկ ուշադրության:

Դորտմունդի «Բորուսիան» Եվրոպա լիգայի քառորդ եզրափակիչում կհանդիպի «Լիվերպուլի» հետ:

Առաջին հայացքից, հասարակ դիմակայություն է` գերմանական եւ անգլիական երկու հզոր ակումբների միջեւ: Սակայն հայացք ես գցում պատմությանը, ու նկատում բազում դետալներ, որոնք այս դիմակայությունը դարձնելու են բացառիկ հետաքրքիր եւ սկզբունքային:

DORTMUND, GERMANY - MAY 23: Head coach Juergen Klopp of Dortmund waves farewell to the fans after the Bundesliga match between Borussia Dortmund and Werder Bremen at Signal Iduna Park on May 23, 2015 in Dortmund, Germany. (Photo by Alex Grimm/Bongarts/Getty Images)

Կլոպյան դերբին…

7 տարի գլխավորելով Դորտմունդի «Բորուսիան», Կլոպը վերադառնում է Սինգնալ Իդունա Պարկ ստադիոն: Գերմանացու կարգավիճակն այլ է`արդեն որպես «Լիվերպուլի» գլխավոր մարզիչ: Կլոպը «Բորուսիայի» հետ ունեցել է բազմաթիվ հիանալի պահեր. երկուական անգամ դարձել է Գերմանիայի չեմպիոն եւ սուպերգավաթակիր, մեկ անգամ հաղթել գավաթի խաղարկությունում: Դրանց գումարած Չեմպիոնների լիգայում փայլուն ելույթները` ընդհուպ կիսաեզրափակիչ եւ եզրափակիչ: Նա դարձել էր «դեղնասեւերի» խորհրդանիշը:

Այսօր մարզական ճակատագիրը նրան վերադարձնում է հարազատ երկիր, քաղաք, ստադիոն, հնարավորություն տալիս հիշելու խենթ երկրպագուներին, որոնց սիրելի մարզիչն է եղել տարիներ շարունակ:

Յուրգեն Կլոպ. «Այսպիսի պատմություն իմ գլխին կարող էր խաղալ միայն ֆուտբոլը»

«Բորուսիա»-«Լիվերպուլ» դիմակայության եւս մեկ կարեւոր բաղկացուցիչ. Հենրիխ Մխիթարյանի համար սա մարզական երկու կարեւոր ազդակ ունի: Բացի մրցակցին հաղթելն ու Եվրոպա լիգայի սանդուղքով առաջ շարժվելը, Հայաստանի ազգային հավաքականի առաջատարի համար եւս «Լիվերպուլը» սկզբունքային մրցակից է:

2ED50D3A00000578-0-image-m-79_1448549448143Անգլո-գերմանական խոհանոցի հայկական համն ու հոտը

Դոնեցկի «Շախտյորի» կազմում մի քանի հիանալի մրցաշրջանից հետո, Մխիթարյանին գնելու համար «Բորուսիայի» հետ պայքարում էր նաեւ «Լիվերպուլը», սակայն Հենոն ընտրեց Դորտմունդ տանող ճանապարհը: Հետո հայտնի դարձավ, որ հայ ֆուտբոլիստին զանգահարել էր անձամբ Կլոպը:

Ապրիլի 7, Դորտմունդ, Սիգնալ Իդունա Պարկ ստադիոն, «Բորուսիա»-«Լիվերպուլ». Մխիթարյանի համար սա մինի-ճակատամարտ է, որտեղ հայ ֆուտբոլիստը պետք է ապացուցի, որ 2013-ի ամռանը ճիշտ ընտրություն է կատարել:

 

Գրել կարծիք