Հղիությունը ստուգելու հին եգիպտական թեստ

Հղիությունը ստուգելու հին եգիպտական թեստ

newmag-ը պատմում է, թե ինչպես էին Հին Եգիպտոսում կանայք ստուգում հղիությունը:

Բոլոր ժամանակներում էլ ամուսնական զույգերը շտապել են իմանալ՝ երբ են ծնող դառնալու, կինը վայրկյան առաջ ուզել է պարզել՝ հղի՞ է, թե՞ ոչ: Բայց միայն վերջին տասնամյակներում դեղատներում հայտնվեցին թղթե ձողիկներ, որոնք կնոջ մեզի մեջ  մտցնելով հնարավոր է պարզել՝ կինը հղի՞ է, թե՞ ոչ:

8e39177f64044057ac53a436a90cd853Պարզվում է, որ հղիությունը վաղաժամ պարզել փորձել են անգամ հին եգիպտացիները: Այս մասին առաջին վկայությունները հնագետները գտել են Կալսբերգի թողած պապիրուսում, որը գրվել է մ.թ.ա. 21-րդ դարում:

Պապիրուսում խոսվում է տարբեր հիվանդությունների հետազոտության և բուժման եղանակների մասին: Այնտեղ մանրամասն նկարագրվում է նաև կնոջ հղիությունն ու պտղի սեռը որոշելու մեթոդները: Այսպես` վերցրել են 2 պարկ, մեկի մեջ լցրել գարի, մյուսի մեջ՝ ցորեն: 2 պարկն էլ ամեն օր «ջրել են» այն կնոջ մեզով, ում մոտ հղիության կասկած կա: Եթե ցորենն ու գարին ծիլ տային, նշանակում էր` կինը հղի է: Գարու ծլարձակումը խոսում էր այն մասին, որ այս ընտանիքում արու զավակ լույս աշխարհ կգա, ցորենի ծլարձակման դեպքում՝ պետք էր սպասել դստեր ծնունդի:

Եթե հացահատիկները չծլեին, ուրեմն կնոջ մոտ հղիություն չկա:

1934 թ-ին գերմանացի բուսաբան Վալտեր Գոֆմանը հղիության հնագույն ճշտման մի փորձարկում  իրականացրեց: Նա հողով լի 6 տարրա վերցրեց, դրանցից 3-ում գարի ցանեց, 3-ում` ցորեն: Տարրաներից 2-ն անընդհատ ջրեց հղի կնոջ մեզով, մյուս 2-ը ոչ հղի կնոջ մեզով, վերջին 2-ում պարբերաբար լցրեց սովորական ջուր: Ժամանակ առ ժամանակ սովորական ջուր լցնում էր բոլոր 6 տարրաների մեջ: Սովորական ջրով ջրվող տարաններում ցանած հացահատիկը ծիլ տվեց 6-7 օր անց: Ոչ հղի կնոջ մեզով ջրվող բույսերն սկսեցին աճել 10-14 օր անց, բայց սածիլներն հիվանդ էին և մի ամիս հետո չորացան: Հղի կնոջ մեզով ջրված սերմերը շատ արագ ծիլ տվեցին: Դրանց ձողունները շատ առողջ էին և արագ վերընձյուղվում էին:


Հետաքրքիր է իմանալ նաև`


1963 թ-ին ֆրանսիացի հնագույն բժշկության մասնագետ Պիեր Գալյունգինը ավելի լայնամաշտապ փորձարկում իրականացրեց: Դրան մասնակցեց 2 տղամարդ, 6 ոչ հղի կին և 40 հղի կին: Տղամարդկանց և ոչ հղի կանանց մեզով ոռոգված հացահատիկներն ընդհանարպես ծիլ չտվեցին, իսկ հղիների մեզն ապահովեց 70% ծլարձակում: Արդյունքը բացատրվում էր հղիության հատուկ հորմոնների առկայությամբ:

Հետաքրքիր է, որ հղիություն ստուգելու հին եգիպտական թեստը կիրառել են նաև հույները, հռոմեացիները, իսկ ավելի ուշ, երբ հին եգիպտական հիերոգլիֆները մոռացության մատնվեցին, թեստի այս ձևը հասավ նաև միջնադարյան Եվրոպա:

Վերջին անգամ հղիության ստուգման այս ոչ սովորական ձևի կիրառման մասին հանդիպում ենք 18-րդ դարի  բնագետ և բժիշկ Քրիստիան Ֆրանց Պաուլինի տրակտում:

Հղիության եգիպտական թեստի ստուգման ձևի մանրամասն բացատրությունն առ այսօր հայտնի չէ, գուցե որովհետև դրա գաղտնիքը գիտեին միայն հին եգիպտացիները: Հավանական է, որ հղիների մեզից ծլարձակման գաղտնքիը հենց հորմոնների մեջ է: Ի վերջո, աշխարհի ամբողջ կենդանի օրգանիզմները ծնունդի արդյունքում են ի հայտ գալիս, դրա համար ծնունդ տվող կնոջ հորմոններն ազդում են բույսի աճի վրա:

Գրել կարծիք