Բարձրաշխարհիկ ընծայադարան. Ի՞նչ նվերներ է ստացել նախագահ Սարգսյանը արտասահմանցի գործընկերներից

Բարձրաշխարհիկ ընծայադարան. Ի՞նչ նվերներ է ստացել նախագահ Սարգսյանը արտասահմանցի գործընկերներից

newmag-ը ներկայացնում է նախագահ Սերժ Սարսգսյանի նվերները, որոնք նա ստացել է պաշտոնական պատվիրակությունների ընդունելությունների, ներպետական և արտասահմանյան այցերի ժամանակ:

Երկրի առաջնորդները միմյանց հյուր դատարկաձեռն չեն գնում: Հյուրընկալության կանոններն այստեղ այլ են, մեկ տուփ կոնֆետով նախագահին հյուր չես գնա: Oրինակ, Տոկիոյի քաղաքապետը Վաշինգտոնին 1909-ին նվիրեց 20 բալենի:  ԱՄՆ 27-րդ նախագահ Ուիլիամ Տաֆտը դրանք տնկեց Պոտոմակ գետի ափին: ԱՄՆ 3-րդ նախագահ Թոմաս Ջեֆերսոնը 1802-ի ամանորին նվեր ստացավ 300 կգ պանրի գլուխ: Իրականում նվերը բապտիստ-հանրապետականների բողոքի նշանն էր: Ջեֆերսոնը, որը երբեք չէր ընդունում անվճար նվերներ, պանրի համար վճարեց 200 դոլար: ԱՄՆ 35-րդ նախագահ Ջոն Քենեդիի ամենատպավորիչ նվերներից մեկը փորագրված դեղձի կորիզն էր: Գլուխգործոցի մի կողմում  նախագահի դիմանկարն էր, մյուսում փորագրված էր Սուրբ Քրիստոֆերի պատկերը: 2010-ին ՌԴ նախագահ Դմիտրի Մեդվեդևը Կոլումբիայի նախագահ Ուգո Չավեսից նվեր ստացավ մեկ տարա բանանի մուրաբա, կակաո և շոկոլադ: Երկու տարի անց նախագահ Վլադիմիր Պուտինը Ուգո Չավեսին նվիրեց 3-ամսական ռուսական տերիերի ձագ: Ոչ պաշտոնական ցեղատեսակն անվանում են Ստալինի շուն, քանի որ այն խաչասերվել է ԽՍՀՄ-ում:

Նախագահի պաշտոնում Սերժ Սարգսյանի ստացած բոլոր նվերները, անկախ արժեքից, հաշվառվում, պահվում և ցուցադրվում են նախագահական նստավայրի նվերների թանգարանային հատվածում:

ՌԴ Նախագահ Վլադիմիր Պուտինի նվերները նախագահ Սարգսյանին

Տիգրան Մեծի (մ.թ.ա. 95-55թթ) ժամանակաշրջանի հազվագյուտ պղնձե մետաղադրամներ՝ կես խալկ և մեկ խալկ անվանական արժեքով։tigran-mets

Կիլիկյան Հայաստանի արծաթե դրամ: Մետաղադրամի վրա պատկերված են Իզաբելլա թագուհին և Հեթում Թագավորը (1226-1252թթ.)։ Մեջտեղում խաչն է: Մետաղադրամի ուրվագծով հայերեն գրված է՝ «Աստծո կամքով»։ Դրամի հակառակ կողմում դեպի ձախ քայլող առյուծ է, որի հետնամասում խաչ է։ Մետաղադրամի եզրին գրված է «Հեթում՝ Հայոց Թագավոր»։

kilikyan

ՀԽՍՀ գինու պետական մառանների կնիք (1920-ականներ): Մառանները առևտրական Նիկոլայ Շուստովի հիմնած՝ Երևանի «Արարատ» գինու և կոնյակի կոմբինատի (1922) մասնաճյուղերն էին: Գործարանը 1998-ին վաճառվեց ֆրանսիական «Պեռնո Ռիկար» ընկերությանը։ ՀԽՍՀ պետական գինու մառանների բնօրինակ կնիքը պահպանվում է ՌԴ-ում։

ginu-kniq

ՀԽՍՀ պարտատոմս, անվանական արժեքը` 5.000.000 ռուբլի: Այն 1922-ին  շրջանառության մեջ էր հանրապետության բոլոր թղթադրամների հետ հավասար: Հայաստանը`  ԽՍՀՄ մի քանի այլ  պետությունների նման, չնայած ընդհանուր դրամային համակարգին, սեփական արժույթի արժեզրկումից խուսափելու համար շարունակում էր  5.000.000 ռուբլի անվանական արժեքով պարտատոմսեր թողարկել:

5000000-rubli

Ոսկե ժետոն, հատվել է 1739-ի ռուս-թուրքական խաղաղության պայմանագրի հիշատակին: Ռուսաստանը և Թուրքիան պատերազմել են 12 անգամ, Ռուսաստանը հաղթել է 9 անգամ: Ռուս միապետուհի Աննա Իոանովնայի օրոք մղվա ռուս-թուրքական պատերազմն ավարտվեց Թուրքերի համար խայտառակ պայմանագրով, որը կնքվեց 1739-ին , Բելգրադում:

Նվերներ` ա յ լ ե ր կ ր ն ե ր ի ա ռ ա ջ ն ո ր դ ն ե ր ի ց

Իրանի նախկին նախագահ Մահմուդ Ահմադինեժադի. Ազգային զարդանախշերով հուշանվեր սպասք

iran

Լիբանանի նախկին նախագահ Միշել Սուլեյման. Բյուզանդական դարաշրջանի (5-րդ դար) լամպերի հավաքածու, որը գտնվել է  Բիբլոսի պեղումների ժամանակ:

libanan

Բուլղարիայի  նախկին նախագահ Գեորգի Պրվանով, Գինու ոսկեզօծ թաս. 

bulgaria

Սլովենիայի  նախկին նախագահ Դանիլո Թյիրկ. Արծաթե պնակ

slovenia

Ֆրանսիայի  նախագահ Ֆրանսուա Օլանդ. Արծաթե սկուտեղ

france

Կիպրոսի նախկին նախագահ Դիմիտրիս Խրիստոֆիաս. Հուշանվեր սկուտեղ

cyprus

Լուսանկարները՚ Դավիթ Հակոբյանի

 

Գրել կարծիք