Սակուրա ֆեստ. Կյանքի անցողիկությունը խորհրդանշող տոնը

Սակուրա ֆեստ. Կյանքի անցողիկությունը խորհրդանշող տոնը

Ընդամենը մի քանի շաբաթ տևող ծաղկած բալենու հրաշքին անհմաբեր սպասում են ոչ միայն Ճապոնիայում, նաև ամբողջ աշխարհում: newmag-ը պատմում է գեղեցկության ու երիտասարդության անցողիկությունը խորհրդանշող տոնի մասին:

Սակուրան գարունն ավետող ճապոնական տոնն է: «Հաարուն» ճապոներենից թարգմանաբար նշանակում է գարուն և հենց գարնանը՝ մարտի վերջին, ապրիլի սկիզբին տոնվում է դեկորատիվ բալենու ծաղկման տոնը:

maxresdefault

Սա «Ծագող արևի երկրի» ամենասպասված տոներից մեկն է, որն ամբողջությամբ զգեստափոխում է երկիրը: Գոյություն ունի սակուրայի 16 տեսակ և ավելի քան 400 տիպ: Ամենատարածվածները սոմեյոշինո եւ սիդառեզակուռա (լացող սակուրա) տեսակներն են, որոնցից առաջինը ծաղկում է սպիտակ, իսկ երկրորդը՝ վարդագույն ծաղիկներով: Համարվում է, որ ամենագեղեցիկ սակուրան ծաղկում է Ճապոնիայի հին մայրաքաղաքներում՝ Կիոտո, Նառա և Կամակուռա քաղաքներում:

Սակուրան չունի պտուղներ, միայն գեղեցիկ ծաղիկներ:

Սակուրայի տոնին սպասում են բոլորը: Օդերևութաբանները  պարբերաբար տեղեկացնում ճապոնացիներին, թե ո՞ր շրջանում ե՞րբ է սկսվելու բալենու ծաղկումը: Japan guid-ը քարտեզագրել է սակուրայի բացման այս տարվա հստակ օրերն ու վայրերը: Ճապոնիայի որոշ վայրերում սակուրան կտևի մինչև մայիսի սկիզբը:

sakura-blossom-japan-2014-4

Բալենու ծաղիկնեով հիանալու տոնին այցելելու սովորույթը ստացել է  «Հանամի» անունը (ճապոներենից` «հանա»՝ ծաղիկ, «մի»՝ նայել), որը բառացիորեն նշանակում է «ծաղիկների դիտում»:

Սակուրայի ծաղկման պաշտոնական տոնումը սկսվում է, երբ  Յասուկունի վանքի այգու ծառերին հինգից ավելի ծաղիկ է ծաղկում:

Պաշտոնական բացումը կատարվում է Տոկիոյի Սինձյուկու զբոսայգում, որտեղ ներկա են լինում պետության առաջին դեմքերը:

Սակուրայով հիանալու գնում են խմբերով: Անգամ մի բարի սովորույթ կա Ճապոնիայում՝ տնօրենը ընկերության հաշվին հրավիրում է բոլոր աշխատակիցներին ընթրելու բալենիների այգում: Կարելի է համտեսել սակուրայի ծաղիկներով կամ տերևով ձևավորած յուրօրինակ ճաշատեսակ կամ քաղցրավենիք, անգամ հանրահայտ  McDonald`s-ում սակուրայի դիզայնով ու համով սնունդ կարելի է պատվիրել, սակեի՝ ազգային խմիչքի համտեսումն էլ պարտադիր է:

2014-japanese-cherry-blossom-blooming-sakura-26

Սակուրային նվիրված տոնախմբությունը շարունակվում է առավոտից մինչ ուշ երեկո:

Գիշերը բալենու ծառերը լուսավորվում են և այգին կախարդական տեսք է ստանում:

Աշխատասեր ճապոնացիներից և ոչ ոք չի ուզում բաց թողնել ծաղիկներով զմայլվելու հնարավորությունը: Մարդկանց առատությունն այնքան շատ կարող է լինել, որ խմբերը հերթ են պահում այգում մեկ ժամ անցկացնելու համար:

Կյանքի անցողիկության խորհրդանիշ համարվող տոնը տևում է գրեթե մեկ շաբաթ (կախված եղանակից և շրջանից)  և ասոցոցվում է սիրո ու անցած երիտասարդության հետ: Սակուրայի ծաղիկները Ճապոնիայի խորհրդանիշն են, օրինակ, ճապոնական 100 իեն մետաղադրամի  հակառակ կողմին սակուրայի ծաղիկներն են փորագրած: Սակուրա անվանումը նաև ամենասիրելի ու տարածված աղջիկների անուններից է:

Գրել կարծիք