Գնել Նալբանդյան. Մեր երկիմաստ կյանքի երկակի ընտրությունը
Շենքերը, որոնցում անցնում է մեր կյանքը, սովետական են: Բնակարանները նույնպես: Զգեստը, որ կրում ենք, առավելապես կապիտալիստական է: Մեքենաները` նունպես: Մթնոլորտը, որ տիրում է մեր կապիտալիստական մեքենաներում, սովետական է, մեքենա նստած մարդկանց հարաբերությունները` նույնպես:: Փողոցները կարգի են բերված կապիտալիստորեն, ետնաբակերն անբարեկարգ են սովետականորեն: Ֆիլմերը, որ դիտում ենք ամեն երեկո, հիմնականում կապիտալիստական են: Անուրջները, որ պարուրում են մեզ գիշերները, հիմնականում սովետական են:
Գնել Նալբանդյանի սյունակում կարդացեք նաև`
- Ամեն առավոտ աշխատանքի շտապողների և մինչև ուշ գիշեր աշխատավայրում մնացողների մասին
- Մարդը սոցիալական էակից սկսել է վերածվել սոցցանցային կենդանու
- Մարդ լինելու շանսը վերուստ է տրված
Մեր ընկերները, որպես կանոն, սովետական են, թշնամիները
նույնպես: Ժպիտը, որով մեզ դիմավորում է շվեյցարը, կապիտալիստական է, կասկածախառն արհամարհանքը, որով մեզ ընդունում է ավագ քննիչը, սովետական է: Մեր բանկերը կապիտալիստական են, մեր բանկերի բանկիրները սովետական:Սովետական են մեր կառավարությունն ու նախարարները, խորհրդարանն ու պատգամավորները, դատարանն ու դատավորները, կուսակցություններն ու երիտկուսակցականները: Կապիտալիստական են մեր բիզնես ծրագրերը, բիզնես լանչերը, բիզնես կլասները: Կաշառակերությունը մեզանում սովետական է, կոռուպցիան` կապիտալիստական:
Մեր երկընտրանքը կապիտալիստական է, երկիմաստությունը`
սովետական, դարաշրջանը` երկիշխանական:newmag #35
Տարածել
Կարդա նաև
Տեղի ունեցավ «Երբ ծաղկում է ծիրանենին» վեպի հեռուստաշնորհանդեսը (տեսանյութ)
«Տագնապած սերունդը» գրքի հեղինակը ողջունել է հայ ընթերցողներին ու փոխանցել գրքի գլխավոր ուղերձը (տեսանյութ)
70-ականների երևանյան ոճով ու հուշերով տեղի ունեցավ «Երբ ծաղկում է ծիրանենին» գրքի շնորհանդեսը (լուսանկարներ)
5 նոր գրքով, արտասահմանյան հեղինակով ու նոր ծրագրերով սկսվեց «Երազի գիրք» մանկական փառատոնը (տեսանյութ, լուսանկարներ)