[Անհավանական] Կինը ձերբակալվել է սիրեկանի վրա սկյուռիկներով հարձակում կազմակերպելու համար

[Անհավանական] Կինը ձերբակալվել է սիրեկանի վրա սկյուռիկներով հարձակում կազմակերպելու համար

Հարձակման պատճառով նախկին ընկերը լուրջ վնասվածքներ է ստացել․ կորցրել է երկու մատները և ամորձիներից մեկը։

Դեթրոիթի ոստիկանությունը ձերբակալել է 45-ամյա Ջենիս Սմիթին, ով անօրինաբար մեծ թվով սկյուռիկներ էր բռնում և փորձում դրանց միջոցով հարձակում կազմակերպել նախկին սիրեցյալի նկատմամբ։ Զոհը 51-ամյա Ջեյմս Ռոբինսոնն է, ով կրծողների կոողմից հարձակման է ենթարկվել անցած ամիս։

45-ամյա Զենիս Սմիթը

Հարձակման պատճառով նա լուրջ վնասվածքներ է ստացել․ կորցրել է երկու մատները և ամորձիներից մեկը։

Ամուսինը սկզբից գաղափար չուներ, թե ինչու էին սկյուռիկները հարձակվում, բայց երբ տեսավ նախկին ընկերուհուն, պարզ դարձավ ամեն ինչ, քանի որ իր նախկինը կրկեսի կենդանիների մարզիչ է։

«Նա թաքնվել էր ինչ-որ թփերի հետևում, բայց կարողանում էի տեսնել և լսել նրան։ Նա բղավելով սկյուռիկներին հրամայում էր հարձակվել ինձ վրա»։

Հասկանալով, որ սկյուռիկների հարձակումը կատակ չէ և կարող է նույնիսկ իր կյանքին վտանգ սպառնալ, Ռոբինսոնը  հաղորդագրություն է ներկայացրել ոստիկանություն: Ոստիկաններն էլ այցելել են տիկին Սմիթին։

Ոստիկանները նրա բնակարանում հայտնաբերել են բազմաթիվ վանդակներ, որտեղ պահվում էր 27 սկյուռիկ։ Նրանք նաև հայտնաբերել են 2 մանեկեն՝ Ռոբինսոնի նկարով։

Դեթրոյթի ոստիկանության ղեկավար Ջեյմս Քրեյգի խոսքով,  Ջենիս Սմիթը ընդունել է, որ ինքն է հարձակումների պատասխանատուն և տարօրինակ սցենարի հեղինակը։

Ոստիկանապետ Զեյս Քրեյգը ասուլիսի ժամանակ հայտարարել է, որ սա իր կարիերայի ամենատարօրինակ դեպքերից է:

«Տիկին Սմիթը ընդունեց, որ ինքն է բռնել և վարժեցրել սկյուռիկներին, որպեսզի նրանք անհանգստացնեն և հարձակվեն նրա նախկին ընկերոջ վրա։ Տիկին Սմիթը կրկեսում առյուծների էր վարժեցնում, այսինքն նրա համար հեշտ էր կենդանիներին դրդել անել այն, ինչ ինքն է ցանկանում։ Նա ասաց, որ հույս ուներ 50 կամ 100 կենդանիներից բաղկացած բանակ ստեղծել»։

45-ամյա կնոջ նկատմաբ հարուցվել է մի քանի քրեական գործ։ Նա մեղադրվում է անհանգստություն պատճառելու և կենդանիներին, որպես զենք օգտագործելու համար։

Ջենիս Սմիթի իրավաբանները պահանջում են, որ նա հոգեբանական ստուգման ենթարկվի, վստահեցնելով, որ նա չի կարող այդ վիճակով դատարան ներկայանալ։ Իրավաբանների խոսքով, շների կամ արջերի փոխարեն սկյուռիկներին վարժեցնելը նշանակում է, որ նա ուղեղի հետ խնդիրներ ունի։ Եթե նա ներկայանա դատարան, տիկին Սմիթին սպառնում է 65 տարվա ազատազրկում։

Գրել կարծիք