Ապագայում հղիանալու և երեխա ունենալու համար սեքս պետք չի լինի. կլինեն բազմացման լաբորատորիաներ

Ապագայում հղիանալու և երեխա ունենալու համար սեքս պետք չի լինի. կլինեն բազմացման լաբորատորիաներ

Ապագայում մարդիկ կդադարեն սեքսով զբաղվել: Սրա փոխարեն կլինեն լաբորատորիաներ, որտեղ կծնվի առողջ ու խելացի սերունդ

Ստենֆորդի համալսարանի պրոֆեսոր Հանք Գրեյլին պնդում է, որ ամերիկացիները որոշ ժամանակ անց դադարելու են զբաղվել սեքսով: Նա Ստենդֆորդի իրավաբանական դպրոցի իրավաբանական կենտրոնի և  կենսաբանական գիտությունների բաժնի տնօրենն է,  և վստահ է, որ ընդամենը 20-30 տարի անց, ամերիկացի նորածինների  մեծամասնության կյանքը սկվելու է  լաբորատորիաներում՝ ծնողների ԴՆԹ-ից ստեղծված էմբրիոնների ընտրությունից:

Այժմ էլ այս մեթոդն  արդեն գործում  է հիվանդությունների կանխարգելման եւ երբեմն սեռի ընտրության համար, սակայն պրոֆեսորը պնդում է,  որ այն կդառնա ավելի էժան եւ լայնորեն կիրառելի:  Ենթադրյալ ծնողները  սկսելու են էմբրիոնը ենթարկել սքրինինգային հետազոտությունների, պարզելու՝ առկա են գենետիկական հիվանդություններ, թե չէ: Այս մեթոդի շնորհիվ հնարավոր է կանխատեսել նաև ապագա երեխայի  արտաքինը՝ աչքերի գույնը, մաշկի ու մազերի երանգը: Գրիլիի կարծիքով այն ամենն ինչ նա պատմում է շատ մոտ է բնությանը:

«Սրանք դիզայներական երեխաներ չեն, կամ էլ սուպեր նորածիններ, սա պարզապես էմբրիոնի ընտրություն է: Դուք վերցնում եք 2 մարդ, և թե ինչպիսի երեխա արդյունքում կստանաք, կախված է այդ երկուսից»:  


Կարդացեք նաև. 


Արդեն կա այն մտավախությունը, որ իդեալական էմբրիոն ստեղծելու համար գիտնականները կկիրառեն  ԴՆԹ-ի խմբագրման մեթոդը, սակայն, ըստ Ստենֆորդի համալսարանի պրոֆեսորի, դա այնքան էլ հավանական տարբերակ չէ:Նա կարծում է, որ մարդիկ, մասնավորապես  Սիլիկոնային հովտի բնակիչները, կանեն այս ամենը՝ իդեալական սաղմ ստանալու համար:

Այս ծրագրի բանալին  ֆինանսական միջոցների խնայումն է: Օրինակ, եթե իդեալական երեխա ստեղծելն  արժենա 10 հազար դոլար, ապա 100 այդպիսի  նորածին լույս աշխարհ բերելու համար անհրաժեշտ կլինի 1 միլիոն դոլար, մինչդեռ հիվանդ երեխաների խնամքի համար շատ ավելի մեծ գումարներ են անհրաժեշտ:

Գրիլիի կարծիքով իր առաջարկը շատ իրատեսական  է, և այնպիսի մեծ  ու հարուստ երկրներն ինչպիսիք են Ամերիկան ու Չինաստանը կարող էին կիրառել այս փորձը: Նա փնտրում,  գտնում ու առաջարկում է տարբերակներ, որոնց շնորհիվ ապագա սերունդները պետք է լինեն ավելի առողջ, երկարակյաց ու խելացի:

QUARTZ

Գրել կարծիք