Քանի՞ անգամ են սպանել ԻՊ պարագլուխ ալ-Բաղդադիին
Իրանցի բարձրաստիճան զինվորականներից մեկը պնդում է, որ «Իսլամական պետության» ահաբեկիչների պարագլուխ, ինքնահռչակ խալիֆ Աբու Բաքր ալ-Բաղդադին ոչնչացվել է:
Սա արդեն առնվազն 7-րդ դեպքն է, երբ հայտարարվում է մոլորակի գլխավոր ահաբեկչի սպանության մասին:
Առաջին լուրը՝ 2014-ի նոյեմբերին էր:
Երկրորդը՝ 2015-ի փետրվարին, երբ «Ալ-Արաբիա» հեռուստաալիքը հայտնեց Իրաքում ամերիկյան օդուժի հարվածների շնորհիվ ալ-Բաղդադիի սպանության մասին: Ավիահարվածից սպանվել էին տասնյակ ահաբեկիչներ:
Նույն տարվա մարտին ալ-Բաղդադիին «սպանեցին» 3-րդ անգամ: Այս անգամ պարզվեց, որ Իրաքի և Սիրիայի սահմանային հատվածում իրաքյան ուժերը ռմբակոծել են ահաբեկիչների ավտոշարասյունը: Խալիֆը զոհերի թվում էր: Ավելի ուշ բրիտանական լրատվամիջոցները պարզել էին, որ Բաղդադին իրականում վիրավորվել էր: Guardian-ի տեղեկություններով ինքնակոչ խալիֆը ծանր վնասվածքներ էր ստացել և հեռացել էր Թուրքիա, որտեղ բուժվելուց հետո մեկնել էր Լիբիա:
Կարդացեք նաև.
Արաբական «կատարելություն». ինչպես փոքրիկ Կատարը դարձավ արաբական թագի մարգարիտը
Արաբական աշխարհի ապագա թագավորը. Ի՞նչ փոփոխությունների առաջ է կանգնելու Մերձավոր Արևելքը
Ի՞նչ է կատարվում Կատարում և ի՞նչ են պահանջում արաբ հարևանները
Հաջորդ տեղեկությունը՝ չորրորդը. 2016-ի հունիսին միջազգային լրատվամիջոցները տեղեկություն տարածեցին, որ ամերիկյան կոլաիցիայի ավիահարձակումների շնորհիվ սիրիական Ռաքքայում ալ-Բաղդադին ի վերջո ոչնչացվել է:
Ոչնչացված ահաբեկչին 4 ամիս անց թունավորում են: Լրատվամիջոցներն արդեն 5-րդ անգամ են հայտարարում՝ ալ-Բաղդադիին ու ևս երկու բարձրաստիճան ահաբեկչի թունավորել են:
Բաղդադիի 6-րդ սպանության մասին ազդարարեցին սիրիական լրատվամիջոցները, արդեն այս տարվա հունիսին: Մեկ շաբաթ անց, ՌԴ պաշտպանության նախարարը Վլադիմիր Պուտինին զեկուցեց, որ ռուսական հարվածների շնորհիվ մայիսի 29-ին ոչնչացված մի քանի հարյուր ահաբեկիչների թվում, ամենայն հավանականությամբ, եղել է նաև ալ-Բաղդադին:
Իրանական լրատվամիջոցները տարածած լուրը կրկին հղում է անում ռուսական վերջին ավիահարվածներին:
Եթե ալ-Բաղդադին ողջ է, նրան, հավանաբար, կսպանեն ևս մեկ, վերջին անգամ:
Տարածել
Կարդա նաև
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)