Ինչ անել, եթե ամեն ինչ անում եք՝ քաշը պակասացնելու համար, սակայն անօգուտ
Քաշը նվազեցնելու կամ գոնե պահպանելու համար անհրաժեշտ է քիչ կալորիականություն պարունակող մթերք օգտագործել: Դրա համար գոյություն ունեն դիետաներ, որտեղ հաշվարկված է օրական ընդունած մթերքի կալորիականության չափը:
Չափահաս ամերիկացիների 2/3-ը ունի ճարպակալման հակում. նրանց 1/3-ը դիետա է պահում: ԱՄՆ առողջապահական ոլորտն ավելի քան 147 մլրդ. դոլար է ծախսում իր քաղաքացիներին «փրկելու» ճարպակալումից, ավելի քան 4.3 մլրդ դոլարի չափով տուժում է տնտեսությունը, քանի որ ավելցուկ քաշով մարդու աշխատունակությունը ցածր է:
Մասնագետները նշում են՝ մարդը կարող է սնվել McDonald's-ում ու չունենալ ճարպակալում, եթե օրգանիզմը կարողանա «վառել» ճարպերը: Ճարպակալման դեմ պայքարի միակ ձևը ոչ թե չափավոր սնվելն է, այլ շարժվելը՝ օրգանիզմի ընդունած էներգիան ծախսելը:
Նյույորքյան հետազոտական ինստիտուտում կատարել են փորձ. մարդու օրգանիզմի ծախսած էներգիան հաշվարկելու համար նրանք մի փոքրիկ սենյակում տեղադրել են այն ամենը ինչը մարդուն անհրաժեշտ է օրվա կարիքները հոգալու համար: Նախաճաշը ժամը 6-ին է: Ընթրիքը ՝ 19-ին: Երեկոյան 11-ից մինչև առավոտյան 6 –ը քնի ժամն է: Ուտելուց հետո մարդը պետք է նաև 30 րոպե քայլի: Այս ռեժիմը պասիվ մարդկանց համար է: Մասնագետները վստահեցնում են, որ այս կերպ յուրաքանչյուրի համար կարող են ճշգրիտ հաշվարկել օրգանիզմին անհրաժեշտ էներգիայի չափը:
Դիետայի թեմայով կարդացեք.
- Այն մասին, թե ինչպես նիհարել առանց դիետաների և սպորտի
- Արդյո՞ք դիետայի ընթացքում պետք է աղ օգտագործել. կարծիքները տարբեր են
- Թվային «դիետա». 4 քայլ 28 օրում կյանքը հավասարակշռելու համար
- Նիհարելու ուղեցույց. Ինչպե՞ս դիետա պահել և չվնասել օրգանիզմը
Ուսումնասիրությունները ցույց են տվել, որ միշտ չէ, որ օրգանիզմը կլանում է այն կալորիականությունը, որը նշված է բնամթերքի համար: Օրինակ՝ պարզվել է, որ հունական ընկույզ ուտելիս՝ օրգանիզմը ավելի քիչ կալորիականություն է ստանում, քան նախատեսված է հաշվարկով: Կա մթերք, որը ճիշտ հակառակը՝ մարսվելիս ավելի շատ կալորիականություն է փոխանցում օրգանիզմին:
Նշանակություն ունի նաև սննդի պատրաստման ձևը: Օրինակ՝ ապացուցվել է, որ հում մթերքն ավելի քիչ կալորիականություն է պարունակում, քան տապակածը: Բրնձի կալորիականությունը կտրուկ նվազում է, եթե այն օգտագործվում է սառը վիճակում և կոկոսի յուղով:
Մեծ նշանակություն ունի, թե երբ ենք ընդունում սնունդը՝ լավագույն ժամը, ըստ մասնագետների, առավոտյան 9-ից մինչև երեկոյան 5-ն է:
Եթե ժամանակին մասնագետները վստահ էին, որ օրգանիզմի ճարպակալումը գենետիկական է, ապա հիմա նույնը պնդել չեն կարող: Իրականում գենետիկ հակումը կազմում է շատ չնչին տոկոս:
Քաշի ավելացմանը նպաստում են նաև օրգանիզմի միկրոբները: Նաև նրանք են «որոշում», թե օրգանիզմը սննդի էներգետիկ չափաբաժնից ինչքանը կկլանի: Իսկ թե ինչ միկրոֆլոր ունենք մենք, անհատական է. անգամ զույգերը չունեն նույն միկրոֆլորան: Հետևաբար, նույն սնունդը տարբեր օրգանիզմներ տարբեր ձևով են մարսում:
Իրականում, այսօր քաշի ավելացումն ավելի անհանգստացնող է, քան սովը: Ըստ համաշխարհային վիճակագրության, 1.9 մլրդ. մարդ ունի քաշի ավելցուկ, որից 600 մլն.-ը տառապում է ճարպակալմամբ: Ճարպակալումն իր հետ բերում է մի շարք հիվանդություններ՝ շաքարախտ, սրտային հիվանդություններ, քաղցկեղ:
Մասնագետները վտահ են՝ լավագույն միջոցը ոչ թե կարոլիականությունը չափելն է, այլ օրգանիզմին համոզելը, որ ուտել չի ուզում:
Տարածել
Կարդա նաև
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)