Facebook-ը փակել է ԱՄՆ քաղաքականության վրա ազդող ռուսական խմբերը․ ի՞նչ կար այնտեղ
Սոցիալական ցանցի պատասխանատուները վերլուծել են, որ այդ խմբերի հրապարակումներն անգամ դրվում էին գովազդի տեսքով և ունենում ավելի քան 10 մլն դիտում:
Ո՞ր խմբերի ու ի՞նչ հրապարակումների մասին է
Heart of Texas
Այս խումբը 2016-ին ուներ 225 հազար հետևորդ: Հիմնականում հրապարակվում էին նկարներ՝ հայրենասիրական մակագրությամբ: Օրինակ՝ «Տեխասը տեխասցիներին»: Կային նաև անջատողական կոչեր և զենքի շրջանառության վերահսկողության խստացման դեմ ելույթներ:
Defend the 2nd
Այս խումբը հիմնականում զենքի շրջանառության վերահսկողության խստացման դեմ էր ելույթ ունենում: Խմբի անդամները վստահ են, որ զենքը ինքնապաշտպանության լավագույն միջոց է, որ կյանքը շատ ավելի թանկ է, քան այն պատիժը, որը նախատեսվում է զենքն օգտագործելու համար, որ բանտից ազատվելն ավելի հեշտ է:
Secured Borders
Խմբի ստեղծումն ուղղված էր միգրացիոն խնդիրներին և կրում է հակամիգրոցիոն բնույթ: Հրապարակումների ու քննարկումների հիմնական իմաստն այն էր, որ դեմոկրատները ոչ թե ԱՄՆ քաղաքացիների շահերն են պաշտպանում, այլ հանցագործ- միգրանտների, որոնք անօրինական են մուտք գործել երկիր:
Կարդացեք նաև․
- Ու՞մ ենք պաշտպանում․ սևամորթ երեխաների՞ն, թե՞ սպիտակ տղամարդկանց։ Facebook-ի մոդերատորների գաղտնի օրենքները
- Facebook-ի արհեստական ինտելեկտը պատահաբար ստեղծել է սեփական լեզուն
- Մեդիա ընկերությունների համար Facebook-ը դարձել է մեծ ու գլոբալ գլխացավանք
Ռուսական ձեռագիրը
Ակնհայտ էր, որ հրապարակումների ու կոչերի հեղինակներն ամերիկացիներ չէին, քանի որ տեքստերում թույլ էր տրվում լեզվական «նուրբ սխալներ», քերականական անճշտություններ: Օրինակ՝ ամերիկացիները The New York Times-ը առանց The որոշիչ հոդի երբեք չեն գրում, այդ գրելաձևը բնորոշ է ռուսներին:
Facebook-ը առանձնացրել է ավելի քան 3 հազար գովազդային հայտարարություններ: Ըստ The New York Times-ի, գործող խմբերը տարբեր ուղղվածության են՝ կենցաղային տեխնիկայի սիրահարներից մինչև կենդանասերների, սակայն ամենօրյա քննարկումների ընթացքում նկատվել են նաև հրապարակումներ, որոնք ներկայացնում են ռուսական պետական քաղաքականությունը: Ըստ Meduza-ի, սոցցանցի խմբերը վերահսկում է Ռուսաստանի ամենահարուստ գործարարներից մեկը՝ Եվգենի Պրիգոժինը: Նա համարվում է Պուտինի խոհարարը, ունի ռեստորաններ, կազմակերպում է պետական բոլոր ընդունելությունների ճաշերը, ունի բացառիկ իրավունք՝ Ռուսաստանի զինված ուժերին սննդամթերք մատակարարելու:
Նոյեմբերին ներկայացուցիչների պալատում կքննարկվի սոցցանցերի միջոցով Ռուսաստանի միջամտությունն ամերիկյան ներքին քաղաքականության հարցը: Facebook-ի, Twitter-ի և Google-ի ներկայացուցիչները ներկա կլինեն լսումներին ու կներկայացնեն իրենց փաստարկները:
Տարածել
Կարդա նաև
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)
Kond hօuse-ում տեղի ունեցավ Յանիս Յոնևսի «Յելգավա 94» գրքի շնորհանդեսը (լուսանկարներ)