Ռուսական գազի Հայաստան հասնելու գինը. Վրաստանը համաձայնել է նոր և վերջին առաջարկին

Ռուսական գազի Հայաստան հասնելու գինը. Վրաստանը համաձայնել է նոր և վերջին առաջարկին

Ռուսական գազի տարանցման արժեքը Հայաստանում գազի գինը պայմանավորող գործոններից մեկն է: Դեռ նոյեմբերին «Գազպրոմ Արմենիան» հայտարարել էր, որ վրացական կողմի հետ այդ արժեքի նվազեցման նախնական պայմանավորվածություն ունեն:

Ռուսական «Գազպրոմը» Վրաստանին հետաքրքիր և վերջին առաջարկն է արել: Վրաստանի Էներգետիկայի նախարարի ձևակերպումն է: Կողմերը վերջապես համաձայնության են եկել դեպի Հայաստան ռուսական գազի տարանցման դիմաց վճարման ձևաչափի շուրջ: 2018-ից Վրաստանը ռուսական ընկերությունից կստանա ոչ թե տարանցվող գազի 10 տոկոսը, ինչպես նախկինում, այլ դրամային փոխհատուցում։

2017-ի հունվարի 1-ին լրացել է գործող պայմանագրի վավերականության ժամկետը։ Վճարի չափի և ձևի շուրջ Վրաստանի էներգետիկայի նախարարությունը և «Գազպրոմը» բանակցում էին 2003-ի համաձայնագրի հիմքով՝ ամեն տարի թարմացնելով այն: Բանակցությունների վերջին երկու փուլերը դեկտեմբերի 13-ին Վիեննայում և տասը օր անց Մինսկում էին: Համաձայնության գալ չէր հաջողվում: Ռուսները պնդում էին, որ վճարումը կատարվի գումարով, իսկ վրացիները ցանկանում էին պահպանել վճարման նախկին ձևը՝ ստանալ տարանցվող գազի 10 տոկոսը: Ըստ պայմանագրի, Վրաստանի տարածքով տարեկան 2.4 մլրդ խորանարդ մետր գազ է տարանցվում դեպի Հայաստան:
Ռուսական գազի տարանցման արժեքը Հայաստանում գազի գինը պայմանավորող գործոններից մեկն է: Դեռ նոյեմբերին «Գազպրոմ Արմենիան» հայտարարել էր, որ վրացական կողմի հետ այդ արժեքի նվազեցման նախնական պայմանավորվածություն ունեն: Գլխավոր տնօրենը ՀԾԿՀ-ում ասել էր՝ գործող գինը միջազգային շուկայում ընդունվածից բարձր է: Իսկ Վրաստանի Էներգետիկայի նախարարը նոր պայամանավորվածության մասին հայտարարելով մանրամասնել է՝ այն կհամապատասխանի միջազգային շուկայում ընդունված գներին: Առանց Վրաստանի շահին վնասելու:

Բացի այդ` դեպի Հայաստան գազի տարանցումը կազմակերպող ռուսական ընկերությունը հրաժարվել էր շահույթից՝ ամբողջ գումարը թողնելով «Գազպրոմ Արմենիային»: Սա և տարանցման արժեքի հնարավոր նվազեցումը հաշվի առնելով Հանրային ծառայությունները կարգավորող հանձնաժողովը հունվարի 1-ից նվազեցրեց գազի սակագինը։

Գրել կարծիք