Ահեղ դատաստան. 96-ամյա Գյորնինգին մեղադրում են 300 հազար հրեա սպանելու մեջ
Հանովերի դատախազությունը նախկին համակենտրոնացման ճամբարների աշխատակցին պատիժը բանտում կրելու համար պիտանի է ճանաչել, չնայած առողջական խնդիրներին: 96-ամյա դատապարտյալը Օսկար Գյորինգն է` նախկին համակենտրոնացման ճամբարի «Հաշվապահ»-ը: Երկրորդ աշխարհամարտի տարիներին նրա անմիջական մասնակցությամբ 300.000 հրեա է սպանվել: 2015թ.-ին Գյորնինգին դատապարտել էին 4 տարվա ազատազրկման: Բայց մինչև հիմա նա պատիժը չէր կրում դատապաշտպանների բազմաթիվ բողոքարկումների պատճառով: Նույնիսկ բժշկական փորձաքննության պաշտոնական արդյունքները հրապարակելուց հետո դատապաշտպանները հայտարարել են վճիռը բողոքարկելու որոշման մասին: Ըստ Գյորնինգի իրավապաշտպան Հանս Հոլթերմանի, դատարանի որոշման արդյունքում նրա պաշտպանյալը կմահանա: Բժիշկների կարծիքով մեղադրյալն ի վիճակի է բանտում կրել պատիժը: Նույնիսկ առողջական որոշ սահմանափակումները չեն օգնի նրան խուսափել բանտախցից:
Գյորնինգն Օսվենցիմում տեղի ունեցածում իր բարոյական մեղավորությունն ընդունել է:
«Ես կարող եմ միայն Աստծուց ներում խնդրել, քանի որ Հոլոքոստի զոհերից այլևս չեմ կարող»:
«Մահվան ճամբարում» մեղադրյալն աշխատել է 1942-1944թթ.ին, բայց հիմնական մեղադրանքը վերաբերվում էր 1944-ի մայիս-հուլիս ամիսներին ընկած ժամանակահատվածին: Այդ ժամանակ ճամբարում 425 հազար հրեա կար, որից 300 հազարին սպանեցին գազախցերում: Գյորնինգի դեմ միասնական հայց էին ներկայացրել Օսվենցիմի նախկին 20 բանտարկյալներն ու զոհվածների հարազատները:
Դատապարտյալը նախկին ՍՍ-ականներից միակն է, ով ազատ խոսում է այն ամենի մասին, ինչ տեղի էր ունեցել ճամբարում: 10 տարի առաջ Հոլոքոստի ժխտման մասին լսելով Գյորինգը սկսեց հանդես գալ մահվան ճամբարի մասին պատմություններով: Բազմաթիվ հարցազրույցներում նա պատմում էր, որ գազախցերում մարդկանց սպանդի ականատեսն է եղել, տեսել է ողջակիզման սենյակը, երեխաների սպանությունները, բայց դա «ճիշտ» էր համարում:
Տարածել
Կարդա նաև
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)
Առաջին գրողն Արևմտյան Աֆրիկայից, որը արժանացել է Ֆրանսիայի ամենահեղինակավոր գրական Գոնկուր մրցանակին (տեսանյութ)
Տեղի ունեցավ Էլենա Ֆերանտեի «Կորած երեխայի պատմությունը» գրքի հեռուստաշնորհանդեսը (տեսանյութ)
Ինչ նախագծեր ու ծրագրեր է իրականացրել այն բարերարը, ում Ադրբեջանը ցանկանում է դատապարտել ցմահ (տեսանյութ)