iPhone 10. որքանո՞վ է ապահով FaceID-ն
iPhone 10 սմարթֆոնը չունի հome կոճակ, փոխարենը Face ID հավելվածի շնորհիվ ճանաչում է հեռախոսի տիրոջը դեմքի միջոցով: Հենց այս նորությունն է, որ արդեն դարձել է տարակարծությունների պատճառ: Շատերը թերհավատորեն են վերաբերում սմարթֆոնի ապահովածությանը: Wired–ը գրում է, որ կենսաչափական վավերացման վրա գործող այս տեխնիկական նորությունը այդքան էլ ապահով չէ, այն շատ արագ «կկոտրեն»:
Գաղտնիք չէ, որ վերջին շրջանում հակերների համար ավելի դյուրին է դարձել բացել «ամենափակ կողպեքը», այդ թվում և օգտատիրոջ դեմքի միջոցով. բավական էր օգտագործել մարդու նկարը (իսկ մենք ֆոտոներն ու վիդեոները տեղադրում ենք սոցցանցերում, այնպես որ դժվար չէ ֆիքսել որևէ մեկի դեմքը): Apple-ը վստահեցնում է, որ իր FaceID-ն կոտրել չի ստացվի: Նոր iPhone-ն օգտագործում է TrueDepth ինֆրակարմիր համակարգը, որի շնորհիվ պրոյեկտվում է պատկերի ցանցը՝ 30 000 անտեսանելի կետերով ու մտապահվում եռաչափ մոդելով:
Կարդացեք նաև․
- Ի՞նչ կպատահի, երբ iPhone-ն ամբողջ գիշեր լիցքավորեք. հակագիտական միֆի պատասխանը
- Հեռախոսի մոդելը հաջողակ լինելու ցուցիչ չէ, այլ՝ ցուցադրականության. ինչու՞ են անհաջողակները iPhone գնում
- Տրամաբանական հարցեր Apple-ում աշխատանքի ընդունվելու համար
IPhone 5s-ի եւ iPhone 6-ի TouchID-ն կոտրող Մարկ Ռոջերսը վստահ է, որ վաղ, թե ուշ, եթե ոչ ինքը, ապա կհայտնվի մեկ այլ փորձագետ, որը կկոտրի FaceID-ը: Ըստ նրա, կարելի է ընդամենը դիմել 3D տպիչի օգնությանը: Apple վստահեցնում է՝ Մարկ Ռոջերսը սխալվում է:
Այնուամենայնիվ, Wired-ը զգուշացնում է՝ եթե ինչ-որ մեկին հաջողվի կոտրել FaceID-ն, հեռախոսը դեն շպրտեք, քանի որ ի տարբերություն գաղտնաբառերի, որոնք կարելի է հեշտությամբ փոխել, դեմքը փոխելն անհնար է, թերևս միայն պլաստիկ վիրահատությամբ:
Տարածել
Կարդա նաև
Newmag-ի և Ակբա բիզնես ակումբի նախաձեռնությամբ տեղի ունեցավ «Սուպերհաղորդակցվողներ» գրքի շնորհանդեսը (լուսանկարներ)
Տեղի ունեցավ Արա Զարգարյանի «Ակսել Բակունցի «Մթնաձորը»» գրքի հեռուստաշնորհանդեսը (տեսանյութ)
Newmag-ը ներկայացնում է գրականագետ Արա Զարգարյանի Ակսել Բակունցի «Մթնաձոր» աշխատությունը (թրեյլեր)
Newmag-ը ներկայացնում է Չարլզ Դահիգի New York Times-ի բեսթսելլեր գիրքը՝ «Սուպերհաղորդակցվողներ» (թրեյլեր)