Կաննի առաջին անակնկալը. կինոփառատոնը բացեց սուպերհայտնի քասթով «Իսմայելի ուրվականները» ֆիլմը

Կաննի առաջին անակնկալը. կինոփառատոնը բացեց սուպերհայտնի քասթով «Իսմայելի ուրվականները» ֆիլմը

newmag-ը Կաննում է: Մենք արդեն դիտել ենք կինոփառատոնի բացման ֆիլմը Մարիոն Կոտիարի, Լուի Գարելի և Շարլոտ Գինսբուրի մասնակցությամբ: Պատմում ենք` ինչու էր այն անսպասելի ընտրություն:

Սովորաբար Կաննում ստարտի համար ընտրում են ճիշտ է` եվրոպական, բայց «շատ հոլիվուդյան» ֆիլմեր: Այս տարի բավականին անսպասելիորեն հոբելյանական կինոփառատոնը մեկնարկեց իսկական եվրոպական տոնով: Միջազգային նախագծերի շնորհիվ հայտնի դարձած ֆրանսիացի դերասանները հոլիվուդյան աստղերից ոչ պակաս կարողանում են հանդիսատեսին դեպի դահլիճ գրավել: Այդպիսին է Առնո Դեպլեշենի «Իսմայելի ուրվականները»։

Ռեժիսոր Առնո Դեպլեշենի պատմույթունը Իսմայել անունով (Մատյե Ամալրիկ) ռեժիսոր-սցենարիստի մասին է, որը փորձում է ազատվել իր նախկին կնոջ «ուրվականից». Կարլոտտայի (Մարիոն Կոտիյար) հետ նա ամուսնացել է, երբ կինը 20 տարեկան էր: Երեք տարի անց կինը պարզապես լքում է տունը՝ առանձ որևէ բացատրության։ Իսմայելը սփոփում է ցավերը գիշերային ալկոհոլի և բազում դերասանուհիների սիրավեպերի մեջ, մինչև որ չի հանդիպում ինտելիգենտ աստղագետ  Սիլվիային (Շարլոտ Գինսբուր)։ Եվ ահա, 21 տարի անց, երբ Իսմայելի կյանքը քիչ թե շատ դարձել է հավասարակշռված և հանդարտ, Կարլոտտան վերադառնում է՝ ճիշտ այնպես, ինչպես որ հեռացել էր, կարծես, ոչինչ էլ չի եղել։

Երկու կնոջ, անցյալի և ներկայի դիսոնանսն ու կոնֆլիկտը տանջում են Իսմայելին: Բացի դրանից նա չի կարողանում քնել և չի կարողանում ավարտել կիսատ թողած ֆիլմը՝ սեփական եղբոր (Լուի Գարել) մասին։ Դեպլեշենի մոտ ստացվել է վեր ու վար ընթացող, մի քանի հյութեղ կատակներով, էյջինգի(խմբ. տարիք) և կորստի մասին էքզիստենցիալասիրային դրամա։

Այն հարցին, թե կա՞ արդյոք էկլեկտիկ փիլիսոփայական ֆիլմ ստեղծելու միտում, ռեժիսորը պատասխանեց. «Իհարկե, մենք ուզում էինք դնել մի քանի գիծ, սյուժե և ժանր մեկ ֆիլմի մեջ»։

Արդյունքում ստացվել է չափազանց էկլեկտիկ միքս, որտեղ հանդիսատեսին սպասում է խնդիր-գլուխկոտրուկ հասկանալու  համար, թե ով ում բարեկամն է։ Իսկ «ընտանիքը» իրոք մեծ է, գլխավոր հերոսի ցնորքները, վախերը, կյանքն ու ֆիլմը խառնվում են իրար, ձուլվում և բաժանվում՝ շատ հեռակա ձևով հիշեցնելով Ֆելինիի «Ութ ու կեսը»։

Իսմայելը պայքարում է, Սիլվիան՝ սփոփում, Կարլոտտան՝ գայթակղում, սիրային եռանկյունին և ընտանեկան պահարանի կմախքները զրնգում են ոսկորներով։ Սակայն մի քանի սյուժետային շերտերով հագեցած կծիկը խճճում է ավելի շատ, քան ներգրավում հերոսների հոգեբանական խաղի մեջ։ Ով է հաղթում, իսկ ով պարտվում այս կիսացնորքային խաղային պարտիայում՝ մնում է ուրվականի պես չուրվագծված և անհայտ:

Գրել կարծիք