Դիակները դեռևս չեն հայտնաբերվել. Ի՞նչ է նրանց հետ արել Կանևսկոյի բանդան
ՌԴ Գերագույն դատարանը հաստատել է Արմեն Հարությունյանի՝ հայտնի «օրենքով գող» Արմեն Կանևսկոյի բանդայի վճիռը: Բանդայի 4 անդամները մեղավոր են ճանաչվել բռնաբարության, խարդախության, սպանությունների և ապօրինի զենքի շրջանառության համար:
Կանևվսկոն չի մտնում մեղադրյալների ցուցակի մեջ, քանի որ 2010-ին մահացել է Աստրախանում՝ հիվանդության պատճառով: Հետաքննության համաձայն, 2006 թվականին Հարությունյանն իր օգնականների հետ միասին Նովոկուբանսկի կոնյակի գործարանի սեփականատեր Սուրեն Եղիազարովից պահանջել է 30 հազար դոլար: Սկզբում գործարարը չի վճարել, բայց «օրենքով գողը» «սեղմել է» նրան, պահանջելով, որ գործարարը վճարի նաև ամսական «աշխատավարձ»:
2007 թ. հունվարի 30-ին, «գործակցության» պայմանները քննարկելու նպատակով Սուրեն Եղիազարովը հանդիպում է խմբավորման անդամների հետ՝ նրանցից մեկին՝ Սերգեյ Խաչատրյանին պատկանող և Կրասնոդար-Թեմրիուկ ավտոճանապարհին գտնվող «Ույուտ» սրճարանում: Սուրեն Եղիազարովը հանդիպմանը ներկայանում է իր 2 ծանոթների հետ:
Քրեական թեմաներով գրել ենք նաև.
- «Օբշակի կռիվ». օրենքով գողերից ու՞մ է հասնելու Դեդ Հասանի ժառանգությունը
- Ծրագրված կողոպուտ. մտածված՝ 4 ամսում, ձախողված՝ 1 օրում
- Նրան տվեցին փուչիկներ, հետո սպանեցին. առեղծվածային մարդասպանություն, որը բացահայտվել է 27 տարի անց
Բանակցությունների արդյունքում կոնյակի գործարանի սեփականատերը հրաժարվում է գործակցել կազմակերպված հանցախմբի հետ, որի պատճառով էլ Հարությունյանը հանձնարարում է սպանել Եզիազարովին ու նրա 2 ընկերներին: Մեղադրող դատախազը պնդում է, որ մահացածների մարմինները նրանք փաթաթել են պոլիեթիլենային թաղանթով և թաղել մայրուղու մոտակայքում:
2 շաբաթ անց, հանցագործները, մտածելով, որ սրճարանի տերը հնարավոր է մատնի իրենց, սպանում են նրան: Այս գործով կասկածյալները ձերբակալվել են 2015 թվականին: Մեղադրյալները ոչ մի դրվագով չեն ընդունում իրենց մեղքը: Սուրեն Եզիազարովի և նրա երկու ընկերների դիկաները մինչև այսօր չեն գտնվել:
2017-ի ապրիլին հայտնի է դարձել, որ Կանևսկու բանդայի գործով վկաներին սպառնացել են: Բանդայի անդամներ Վանչենկոն, Էռնեստ Լալաբեկովը, Մանուկ Թորոսյանն ու Ալեքսանդր Ժիգալկոն դատապարտվել են 9-ից 21 տարի ազատազրկման: Նրանք պատիժը կրելու են խիստ ռեժիմի գաղութում:
Տարածել
Կարդա նաև
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)