Նոր պատերազմ Մերձավոր Արևելքում. Քիրքուքը՝ քուրդ-արաբական պատերազմի թատերաբեմ
Իրաքի Քիրքուք քաղաքը տարածաշրջանի նավթային ամենահարուստ կենտրոններից է: Այս հատվածի համար պայքարում էին դեռ անգլիացիներն ու ֆրանսիացիները ուղիղ 100 տարի առաջ: Հենց այստեղ էր նավթահորեր տնօրինում Գալուստ Գյուլբենկյանը ու այստեղի նավթի 5% սեփականատեր լինելն էր նրան տվել «Միստր 5%» մականունը:
Այժմ Քիրքուքը դառնում է քուրդ-արաբական նոր պատերազմի թատերաբեմ: 3 տարի առաջ Իսլամական պետության ահաբեկիչները քաղաքը գրավել էին, Իրաքի բանակը ի զորու չէր նրանց կանգնեցնել, ահաբեկիչներին Քիրքուքի նավթային հարուստ շրջաններից վտարեցին ու ջախջախեցին հենց քրդերը:
Կարդացեք նաև.
- Ինչո՞ւ էր Սադամը սադիստ. Բացատրում է Իրաքի բռնակալի հայ կուրսեցին
- [Բացատրագիր] Քրդական հանրաքվե. կողմն ու դեմը, լավն ու վատը, օգտակարն ու վնասակարը
- Աշխարհը մտել է գլոբալ սարսափի նոր փուլ. անհատական համաշխարհային պատերազմի դարաշրջան
Իրաքի այս հատվածը քրդական ինքնավարության մեջ չի մտնում: Այդուհանդերձ, սեպտեմբերին կայացած անկախության հանրաքվեն անցկացվեց նաև Քիրքուքում: Սա էլ ավելի լարեց քրդերի ու Բաղդադի հարաբերությունները, քանի որ քրդերը բացահայտ հավակնություն ներկայացրին նաև իրենց ինքնավարության տարածքից դուրս գտնվող նավթահորերի նկատմամբ:
Սպառնալիքներից հետո Իրաքը որոշեց բանակ ուղարկել Քիրքուք: Քրդերը պառակտվել են, արդեն հայտարարում են միջազգային դավադրության ու ներքրդական դավաճանության մասին: Համարժեք դիմադրություն չեն ցուցաբերում, քրդական զինուժի մի մասը հրահանգ է ստացել չդիմադրել, մյուս մասը՝ կռվելով նահանջել: Իրաքի վարչապետն էլ ռազմական հաջողությունների ֆոնին արդեն հայտարարում է, որ Իրաքի քրդական ինքնավարության անկախությունն արդեն փակված էջ է:
Տարածել
Կարդա նաև
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)