Քոնոր ՄաքԳրեգոր. 2017-ի ամենաոճային տղամարդը
Սպորտսմենները հազվադեպ են մեզ զարմացնում իրենց մտածված հագուկապով: Հիմնականում նրանց համազգեստը ջինսն ու կեդերն են: Մեզ հայտնի միակ հայտնի ոճային սպորտսմենը Դեվիդ Բեքհեմն է: Ու մեկ էլ հայտնվում է խառը մենամարտերի մարտիկ ՄաքԳրեգորը` իդեալական «նստեցրած» եռամաս կոստյումով:
ՄաքԳրեգորը հաճախ է խոստովանում, որ աշխարհում ամենաշատը սիրում է անել երկու բան. «անջատել» հակառակորդին, ու լավ տեսք ունենալ: Նա շատ է սիրում շոփինգ անել ու հաճախ է պատմում իր տասժամյա շոփինգների մասին: Նման գնումներից մեկի ժամանակ մարզիկը Dolce & Gabbana –ում ծախսել է 27 հազար դոլար: Այդ պատմությունը հայտնի էր դարձել, քանի որ Քոնարը շատ էր բարկացել, որ նման գումար էր ծախսել, բայց իր գնումների տոպրակի մեջ մի քանիսը վաճառողները մոռացել էին դնել:
Գուցե նաև հենց սրա մեջ է թաքնված նրա հաջողության գաղտնիքի մի մասը: Քանի դեռ շատ հայտնիներ բրենդներից վերցնում են պատրաստի հագուստ, մարտիկը ստեղծում է ու ներդրումներ անում իր լուքերում: Նա նույնիսկ ունենալով Reebok-ի հետ պայմանագիր, անթաքույց սիրում է Jimmy Choo, Dolce & Gabbana և, իհարկե, Gucci: ՄաքԳրեգորը նույնիսկ ջրաքիսի ճերմակաթույր մորթուց ու օձիքին օձով մուշտակ ունի, այն արժե 30 հազար եվրո: Կոստյում ընտրելիս ֆեշն սպորտսմենը նախընտրում է դիմել պրոֆեսիոնալ դերձակներին: Ամեն ինչ սկսվել է իռլանդական Louis Copeland & Sons ատելյեից: Վերջին տարիներին, սակայն, մարտիկի կոստյումները կարում է ամերիկյան David August ընկերությունը: Ի դեպ, ինքը` Դեվիդ Օգաստ Հեյլը սպորտսմենի ոճաբանն է:
Վերջին ասուլիսներից մեկի ժամանակ ՄաքԳրեգորը որոշեց, որ հագնելու է բռնցքամարտիկի ձեռնոցներն ու կռվել Ֆլոյդ Մեյվեդերի հետ: Նա այդ ժամանակ McGregor x August-ի հագուստով էր: Հետաքրքիրն այն է, որ միայն շատ մոտ եղածները նկատեցին, որ այդ կոստյումի գծերի փոխարեն գրված էր f* you: Իզուր չէ, որ Քոնանը հայտնի է, որպես trash-talker: Հակառակորդին տապալելուց հետո Քոնանը հայտարարեց, որ «Մեյվեդերը գրողի տարած սպորտային համազգեստով էր, իրեն նույնիսկ կոստյում չի կարող թույլ տալ ուենալ»:
Մարզիկի ոճաբանն ամեն մի մարտի համար նախապատրաստում է մեկ, երկու ու նույնիսկ երեք հավելյալ հագուստ: Դրանցից ամեն մեկը կարելու համար ծախսվում է 60 ժամ, քանի խստապահանջ մարզիկը սիրում է անթերի «նստած» հագուստ: Հագուստի վրա ոչ մի ծալք ու «կնճիռ» չպետք է լինի: Մարտից առաջ նա անպայման նիհարում է: Այնպես որ նրա համար իդեալական հագուստ կարելը շատ բարդ է: Ամեն դեպքում, David August-ը դեռ գլուխ հանում է ու դրա համար ստանում լավ գովազդ:
Շատ լավ հասկանալով «խաղի կանոնները» (կռվողն անպայման պետք է լինի շոումեն ու նույնիսկ մի քիչ ցուցամոլ), չեմպիոնը ոգեշնչվում է 60-ականների կռվողների ոճից: Հենց այդ պատճառով է նա հաճախ կրում ժիլետ: Դա մարտերի ժամանակ: Իր անձնական զգեստապահարանում նա նույնպես սուպերմոդայիկ ու ինքնատիպ է: Օրինակ, ՄաքԳրեգորի թաշկինակն ու փողկապը երբեք նույն կտորից չեն լինում: Բացի այդ, նա իր խստաոճ կոստյումների հետ երբեք նույնաոճ պաշտոնական կոշիկ չի կրում: Ամերիկյան մամուլը գրում է, որ նա իսկական dapper է, այսինքն, ցուցամոլ կամ թիթիզ:
ԿՈՍՏՅՈՒՄՈՎ
ԱՄԵՆՕՐՅԱ
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)