[newphone] NOKIA-ն ներկայացրել է իր ամենապոպուլյար N3310 հեռախոսի նոր մոդելը

[newphone] NOKIA-ն ներկայացրել է իր ամենապոպուլյար N3310 հեռախոսի նոր մոդելը

Nokia-ն վերադառնում է հին ամրությամբ, բայց կոնցեպտուալ նոր հնաարվորություններով: Հավաքել ենք նոր սմարթֆոնի մասին կարևոր տեղեկանք:

Բարսելոնայի Համաշխարհային բջջային կոնգրեսի ժամանակ (MWC 2017) ներկայացրեցին լեգենդար Nokia 3310 հեռախոսի նոր տարբերակը: Այն արտաքանապես շատ նման է իր նախորդին, բայց, սուր անկյուններ էլ չունի, չափերով ավելի փոքր է և ավելի բարակ: Նոր մոդելը կպահպանի միայն իր նախորդի անունը, սակայն կաշխատի Nokia’s Series 30+ պլատֆորմի վրա: Հեռախոսը համալրված է 2.4 դյույմանոց QVGA դիսփլեյով, 2 մեգափիքսել հզորությամբ տեսախցիկով և microSD հիշողության կրիչով:

Փորձագետներն ընդգծում են, որ նման պարամետրերը ժամանակակից տեխնո հարթակում մեղմ ասած թույլ են, սակայն հենց դա էլ ապահովում է հեռախոսի ամբողջ հմայքը: Ժամանակակից Nokia 3310-ը նախկին մոդելից տարբերվում է նաև ավելի վառ ու գունավոր դիզայնով. ցուցադրությանը ներկայացվել էին դեղին, կարմիր, մոխրագույն և մուգ կապույտ տարբերակները: Հին 3310-ից այս մեկը պահպանել է նաև ամուր կորպուսը, որն այնքան պինդ էր, որ բազմաթիվ անեկդոտների առիթ էր դարձել:

Հատկանշական է, որ նոր մոդելի վրա կլինի լեգենդար «Snake» խաղը, որը նոստալգիա կլինի շատերի մոտ, որոնք ժամանակին օգտվել են Nօkia-ի որևէ մոդելից: Ըստ վիճակագրության, հին մոդելի վաճառքի ընդհանուր ծավալը կազմել է ավելի 126 մլն հեռախոս, որն 9-րդ տեղում է ամենավաճառված սմարթֆոնների և հեռախոսների վիճակագրական ցուցակում: Այդ նույն ցուցակի ավելի բարձր հորիզոնականներում նույնպես շատ են ֆիննական ընկերության արտադրած հեռախոսները:

Գրել կարծիք