Պատվաստում արգանդի վզիկի քաղցկեղի դեմ. դեկտեմբերից Հայաստանում այն անվճար կլինի
Նոր անուն պատվաստումների ազգային օրացույցում: Այն կանխարգելում է արգանդի վզիկի քաղցկեղի առաջացոման վտանգը:
Առողջապահության համաշխարհային կազմակերպության երևանյան գրասենյակի տնօրեն էգոր Զայցևը նշում է, որ արգանդի վզիկի քաղցկեղը լուրջ խնդիր է Հայաստանի համար և առանց համալիր ծրագրերի ու լուրջ վերահսկողության հնարավոր չէ այն հաղթահարել: Առողջապահության համաշխարհային կազմակերպության առաջարած պատվաստանյութը հեղափոխություն է` հիվանդության դեմ պայքարում:
Քաղցկեղի այս տեսակը տարածվածությամբ երկրորդն է Հայաստանում: Ամեն տարի 250-300 կնոջ մոտ ախտորոշվում է արգանդի վզիկի քաղցկեղ: 50 տոկոս դեպքերում բժիշկները չեն կարողանում փրկել հիվանդների կյանքը: 71 երկիր խնդիրը լուծել է ժամանակակից ու լավագույն միջոցով` պապիլոմա վիրուսի դեմ պատվաստումով:
Շվեդական փորձով Հայաստանում է պրոֆեսոր Ջոհակիմ Դիլները: Պրոֆեսորը պատմում է, որ իր երկրում պատվաստումների ազգային ծրագիրը ներդրվել է 2012-ին: 10-11 տարեկան աղջիկները պատվաստումը ստանում են դպրոցում: պատվաստում է առավել արդյունավետ է, երբ կատարվում է մինչև սեռական կյանքով ապրելը: Առաջիկա 2 տարիներին պատվաստանյութը Հայաստանին կնվիրի առողջապահական ԳԱՎԻ հիմնադրամը:
2 տարի անց մենք այն կգնենք` 1 դեղաչափի համար վճարելով 4,5 դոլար, որը մի քանի անգամ էժան է եվրոպական որոշ երկրների մատակարարվող պատվաստանյութից: Առաջին փուլով կպատվաստվեն դեռահասները, հետագայում պատվաստումը հասանելի կդառնա նաև ավելի բարձր տարիքի աղջիկների համար:
Տարածել
Կարդա նաև
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)