Ե՞րբ ես ամուսնանում․ ինչպե՞ս պատասխանել հարաբերությունների մասին նյարդայնացնող հարցերին
«Երբ եք ամուսանանալու»
Այս հարցը տալիս են բոլորին անխտիր և բոլորովի էլ կարևոր չէ, թե որքան ժամանակ եք հանդիպում: Թևաթափ չլինեք, քանի որ այս հարցը դեռ շատ եք լսելու: Բարեկամներն, ամենայն հավանականությամբ, փորձում են մտերմիկ զրույց սկսել, բայց չգիտեն` ինչ հարմար թեմա ընտրել: Տատիկն էլ անհանգստանում է ընտանեկան բարեկեցության համար: Եթե ինչ-որ մեկը նպատակասլաց ու համառորեն բարձրացնում է այդ հարցը, մի բարկացեք, ուղղակի ժպտացեք ու պատասխանեք․ «Դուք այդ մասին առաջինը կիմանաք»:
«Երբ եք պլանավորում երեխա ունենալ»
Սա հարված է ամենացավոտ տեղին, հատկապես երբ երեխա ունենալու տարիների փորձերն ապարդյուն են: Հաճախ այս մարդիկ շատ անտակտ են ու համառ: Հասկացրեք, որ նրանք անցնում են Ձեր անձնական սահմանները, կարող եք ուղղակի կատակել: «Մենք աշխատում ենք այդ ուղղությամբ»:
«Իսկ երկրորդին երբ եք ունենալու»
Առաջնեկի լույս աշխարհ գալուց անմիջապես հետո պատրաստեք այս հարցի պատասխանը․ «Երկրորդ երեխա դեռ չենք ուզում, չէ որ մեր առաջնեկն կատարյալ է»:
«Դուք նույն հավատքն ունեք»
Բավական ողջամիտ պատասխան է․ «Այ քեզ բան, իրոք անսպասելի հարց էր, ինչու եք հետաքրքրվում»: Հավանաբար կհասկանա, որ իր հարցն անտակտ էր: Իրականում, հավատքը նեղ անձնական հարց է: Այլադավան ընտանիքների բազմաթիվ երջանիկ օրինակներ կան:
«Որքա՞ն ժամանակ է, որ ճանաչում եք միմյանց»
2 շաբաթ, 6 ամիս, 5 տարի … ի՞նչ տարբերություն։ Եթե հարցի մեջ քննադատության նոտաներ են հնչում, արագ հակադարձեք, - «Թվում է` ամբողջ կյանքս ճանաչում եմ նրան»:
«Ձեր հարաբերությունները հեռակա են, ինչ-որ լու՞րջ բան է»
Մարդիկ հաճախ քննադատում են և չեն հավատում հեռավորության վրա հիմնված հարաբերություններին: Շատերը զարմանում են, - «Չէ՞ որ տարբեր քաղաքներում եք ապրում, ե՞րբ եք պատրաստվում տեղափոխվել»
Նմանատիպ հարցերին կարող եք պատասխանել նույն կերպ ինչ առաջինին․ «Դուք անմիջապես կիմանաք այդ մասին»: Սա կարճ, ունիվերսալ պատասխան է, որը կօգնի դիմացինին հասկանալ, որ ներխուժել է Ձեր անձնական տարածք:
Կարդացեք նաև․
- Ի՞նչ են սեքսում իրականում ցանկանում տղամարդիկ և կանայք. նախասիրությունները նույնն են
- 4 հարց, որոնք ցույց կտան, թե արդյոք ձեր հարաբերությունները դատապարտվա՞ծ են անհաջողության
- Ընկերական սեքս. որո՞նք են դրական և բացասական կողմերը
«Նա (աղջիկը/տղան) չի՞ պատրաստվում նորմալ աշխատանքի տեղավորվել»
«Նորմալ աշխատանքի» վերաբերյալ յուրաքանչյուրն իր պատկերացումներն ունի: Ձեզ համար, օրինակ, վաճառողը լավ գործ է, բայց դիմացինի համար` անհեռանկարային տարբերակ: Էլ չեմ խոսում համացանցում փող վաստակելու հնարավորության մասին, որն ավագ սերնդի համար ընդհանրապես անհասկանալի է: Կարելի է ուղղակի պատասխանել․ «Ես կփոխանցեմ նրան (աղջկան/տղային), որ դուք այդքան սրտացավ եք ու անհանգստանում եք նրա համար»: Փոքր-ինչ մեղմ եղեք միայն շատ մոտ մարդականց, հարազատների հետ:
«Դեռ վարձո՞վ եք ապրում։ Ե՞րբ եք ձեր սեփականը գնելու»
Մարդիկ գուցե չգիտեն, որ Դուք շատ հետևողականորեն գումար եք խնայում Ձեր սեփական բնակարանը, տունը գնելու համար, կամ գուցե ձեզ դուր է գալիս այն բնակարանը, որը վարձում եք: Կարող եք հենց այդպես էլ պատասխանել, կամ ` մի փոքր հեգնանքով․ «Ընտանեկան բյուջեն կազմելիս անպայման քեզ կկանչենք»։
«Ինչու՞ միասին չեք գալիս ընտանեկան հավաքույթներին»
Այս հարցում թաքնված քննադատություն է հնչում Ձեր զուգընկերոջ հասցեին: Բարեկամները կարծում են, թե Ձեր ընկերոջ համար տհաճ է ներկա գտնվել ընտանեկան հավաքույթներին: Եթե հակակրանք իրոք չկա, ուղղակի պատասխանեք․ «Շատ էր ուզում գալ, բայց, ցավոք, աշխատանքը թույլ չտվեց»:
Տարածել
Կարդա նաև
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)
Առաջին գրողն Արևմտյան Աֆրիկայից, որը արժանացել է Ֆրանսիայի ամենահեղինակավոր գրական Գոնկուր մրցանակին (տեսանյութ)
Տեղի ունեցավ Էլենա Ֆերանտեի «Կորած երեխայի պատմությունը» գրքի հեռուստաշնորհանդեսը (տեսանյութ)
Ինչ նախագծեր ու ծրագրեր է իրականացրել այն բարերարը, ում Ադրբեջանը ցանկանում է դատապարտել ցմահ (տեսանյութ)