Փաստեր թենիսի մասին, որոնց մասին ամաչում եք հարցնել

Փաստեր թենիսի մասին, որոնց մասին ամաչում եք հարցնել

newmag-ը շարունակում է հետաքրքիր հոդվածների շարքը, որտեղ ներկայացնում է մասսայական մարզաձեւերի մասին հետաքրքիր փաստերը: Այս անգամ կպատմենք` դեղնականաչավուն գնդակի խաղի մասին:

Թենիսի դեղին գնդակներն առաջին անգամ գործածվել են 1986 թվականի` Ուիմբլդոնի մրցաշարի ժամանակ: Մինչեւ այդ, գնդակները սպիտակ էին:

Կանանց թենիսում ամենաարագ մատուցման ռեկորդը պատկանում է Վենուս Ուիլյամսին: Նրա հարվածից հետո գնդակն ընթացել է 205 կմ/ժ արագությամբ:

Ուիմբլդոնի մրցաշարին մասնակցած առաջին կին թենիսիստուհին կրում էր ամբողջությամբ երկար զգեստ:

Բաննի Օստինն առաջին թենիսիստն է, որը Ուիմբլդոնին մասնակցել է շորտով: Դա տեղի է ունեցել 1932 թվականին:

Ինչո՞ւ են թենիսիստները ստուգում գնդակը

Նկատե՞լ եք, որ գնդակը մատուցելուց առաջ թենիսիստները ձեռքում պահում են մի քանի գնդակ ու մանրակրկիտ զննում: Ոչ. նրանք չեն նայում դրա վրա պատկերված տարբերանշանին կամ փնտրում ինչ-որ բան: Նրանք ստուգում եւ ընտրում են  այնպիսի գնդակ, որի մակերեւույթն անթերի հարթ կլինի: Եթե գնդակը անգամ չնչին վնասված է, այն արագ չի սլանա մրցակցի զոնա:

Որքա՞ն են պատրաստվում խաղալ այս թենիսիստները

Մրցախաղը կարող է տեւել մի քանի ժամ` կախված մրցաշարի կանոններից: Ժամանակատարության պատճառով շատերը թենիսը համարում են անհետաքրքիր մարզաձեւ, սակայն իրականում այն մեծ դրայվ ունի: Պատմության ամենաերկար մրցախաղն արձանագրվել է 2010 թվականին, Ուիմբլդոնի մրցաշարի ժամանակ: Ջոն Իզներ-Նիկոլա Մայու խաղի հաղթողին կողմերը պարզել են երեք օրում` մաքուր հաշվարկով խաղը տեւել է 11 ժամ 5 րոպե:

Գրել կարծիք