Նոր սպանդ՝ հին բանավեճ. Ամերիկայում կրկին քննարկում են զենքի ազատ վաճառքի խնդիրը

 Յուրաքանչյուր նման ողբերգությունից  հետո խնդիրը կրկին ողողում է ամերիկյան մեդիադաշտը: Այս անգամ, սակայն, փաստարկներն էլ ավելի հակասական են: 26-ամյա նախկին զինվորական Դևին Պատրիկ Քելլիի իրականացրած ոճրագործությունը խլել է 26 մարդու կյանք: Զոհվել է 5-ամյա մի երեխա, եկեղեցու սպասավորի 14-ամյա դուստրը, հղի կին: Պատճառների մասին ոչինչ հայտնի չէ, ինչպես և անցած ամիս Լաս Վեգասում տեղի ունեցած նմանատիպ, բայց էլ ավելի արյունոտ կոտորածի դեպքում:
Երկու դեպքում էլ հանցագործները ահաբեկչական որևէ կառույցի հետ երբևէ կապ չեն ունեցել, Տեխասի դեպքում՝ սպանդի հեղինակն ընդհանրապես զինվորական է եղել: Նրան ռազմական տրիբունալը պատժել էր կնոջն ու երեխային ծեծելու համար: 3 տարի առաջ Դևին Քելլիին ընդհանրապես հեռացրել էին ամերիկյան բանակից:

• Կափարիչի տակ․ Մեքենաների վերահսկողությունը կօ՞գնի կանխել ահաբեկչությունները


• «Մանչեսթերի ահաբեկիչը ընկերս էր, ես կբացատրեմ` ինչու է նա դա արել». պատերազմի որդիները


• Մեքենան մարդկանց վրա քշել. ահաբեկիչների նոր մարտավարությո՞ւն