Ղեկավարի պարզագույն սխալներ, որոնք կարող են ճակատագրական լինել

Ղեկավարի պարզագույն սխալներ, որոնք կարող են ճակատագրական լինել

Ժամանակակից աշխարհն  այնքան արագ է շարժվում, որ փոփոխությունների հետևից հասնելը շատ է դժվարացել: Ահա 5 խորհուրդ աշխատանքային հարաբերությունները կարգավորելու համար:

Ընդամենը մի քանի տարի առաջ ընդունելի կարծրատիպերն այսօր արդեն հնացած են: 

  • Ուշադրություն դարձրեք աշխատանքային առաջարկի Ձեր հայտարարությանը: Կարևոր է, որ չլինի սխալներով կամ ստանդարտ արտահայտություններով: Խուսափեք նաև աշխատանքային կոլեկտիվը գովելու, ընկերության առաջընթացը մատնանշելու ցանկությունից. դրանց մասին կխոսեն գործերը, կարծիքներն ու ու բամբասանքները: Առաջին իսկ պահից հայտարարությունը պետք է լինի ուշագրավ: Հիշեք, եթե Ձեր աշխատանքային առաջարկն առաջին անգամ չի հետաքրքրել թեկնածուին, ապա դժվար նա վերադառնա նույն կետին:
  • Սխալ է նաև մտածել, որ բավարար ժամանակ ունեք անձնակազմը մանրակրկիտ ընտրելու համար: Եթե այս պահին չզանգեցիք ու չպայմանավորվեցիք հանդիպման համար, դուք ամենայն հավանականությամբ կորցրեցիք այդ աշխատողին: Աշխատանք փնտրող մարդը երկար չի սպասի ձեր արձագանքին, փնտրտուքները նրան կտանեն այլ գործատուի մոտ, ևս մեկ օր և նա արդեն աշխատանքի կընդունվի մեկ այլ հիմնարկում:
  • Գումարի չափը կարևոր է աշխատանքային առաջարկ անելիս, սակայն միայն գումարով գայթակղելը քիչ է, շատ քիչ: Աշխատանք փնտրողը նաև ակնկալում է մասնագիտական առաջընթաց: Եթե այդ առաջընթացը չլինի, նա կհեռանա կամ կձանձրանա Ձեզ հետ աշխատելուց: Ոչ մի լավ կոլեկտիվ, բարձր աշխատավարձ կամ բարի ղեկավար չի կարող տալ այն ավյունը, որը կմղի աշխատողին անել ավելին, քան ակնկալում ու պահանջում են: Յուրաքանչյուր աշխատող իր ղեկավարից սպասում է ադեկվատ քայլեր՝ առաջ գնալու և ոչ թե փակուղում հայտնվելու համար:

Օգտակար թեմաներով կարդացեք նաև.


  • Աշխատողների հաշվին ծախսերի տնտեսումը ամենամեծ սխալն է, որ կարող է թույլ տալ գործատուն: «Ինչպես վճարում են, այնպես էլ աշխատում ենք» արտահայտությունը հիմնավորված է: Գրոշներով աշխատողը նույն մանրադրամն էլ կվերադաձնի Ձեզ ու ամենակարևոր պահին փաստի առաջ կկանգնեցնի: Լավ աշխատող ունենալու կամ հրավիրելու համար պետք է լավ վճարել:
  • Ընկերության վարկանիշն ամենակարևորն է: Անպատասխան մի թողեք աշխատանքի յուրաքանչյուր հայտ: Պատշաճ պատասխանն ավելի կբարձրացնի Ձեր վարկանիշը: Որ պահից աշխատակցին հիմար եք համարում, դուք եք վերածվում հիմարի: Իսկ հիմար գործատուի մասին ասեկոսեներն արագ են տարածվում: Սխալներն ուղղելը դժվար է, հաճախ՝ անհնար:

HR-PORTAL

Գրել կարծիք