Խտրականության մայրամուտը․ Ինչո՞ւ են քարտուղար ընտրելիս ավելի քիչ ուշադրություն դարձնում արտաքինին
Խտրականության ավարտ
Առաջին հարցազրույցներից հետո գործատուն հաջորդ հանդիպմանը առանձնապես ուշադրություն չի դարձնում աշխատանքի դիմած թեկնածուի արտաքին տվյալներին, ավելին` հետևում է նրա մասնագիտական կարողություններին:
Հաջողության սեփական պատկերացումը
Յուրաքանչյուր ղեկավար յուրովի է պատասխանում հաջողության մասին հարցին: Այնուամենայնիվ` հասարակությունում կա կարծրատիպ, թե ինչպիսին պետք է լինի հաջողակ թոփ-մենեջերը: Հաճախ կարելի է լսել, թե քարտուղարուհիները և բիզնես – օգնականները պետք է լինեն մոդելային արտաքինով երիտասարդ աղջիկներ: Սակայն պրակտիկորեն անցյալում է միտումը, երբ քարտուղարուհիներին ընտրում են միմիայն արտաքինի հաշվին: Քասթինգների վերջում գործատուն սառը դատողությամբ գերադասում է աշխատանքի ընդունել մասնագիտական լավ հմտություններով անձանց:
Մի քանի ամիս առաջ fashion ոլորտի հայտնի ընկերություններից մեկի HR թիմը իր ղեկավարի համար փնտրում էր անձնական օգնական: 30-ամյա ղեկավարը շատ ժամանակ հատկացրեց նկարագրելու հավանական թեկնածուի արտաքինը. նա պետք է նման լիներ ամերիկյան սերիալների ժամանակակից դերասանուհիներին:
Պոտենցիալ թեկնածուների հետ հանդիպումների ժամանակ ներկա էր նաև ղեկավարի երիտասարդ ընկերը, ով կազմակերպության ֆինանսական տնօրենի պաշտոնն էր զբաղեցնում: Հասկանալի է, հավակնոտ երիտասարդ տղամարդկանց համար գեղեցիկ քարտուղարուհին պետք է նաև նրանց հաջողության խորհրդանիշը լիներ:
Այդուհանդերձ` HR բաժինը ստացավ անսպասելի հանձնարարություն. short list-ում ընդգրկել միմիայն բարձրակարգ մասնագետ – թեկնածուներին, ոչ թե օֆիսային «զարդերին»:
Կարդացեք նաև
- 5 առասպել private banking-ի վերաբերյալ. ի՞նչն են վտանգում խոշոր կապիտալները
- 7 սխալ, որոնց պատճառով կորցնում ենք մեր փողերը
- Անձնական կամ կորպորատիվ․ ներդրումային ակտիվության աճ իրո՞ք նկատվում է
Թեկնածուների թյուր եզրակացությունները
Խտրականության մասին խոսակցությունների ձևավորման հարցում, զարմանալիորեն, բայց զգալի ներդրում ունեն նաև աշխատանքի համար դիմած թեկնածուները: Օրինակ, երբ գործատուն պահանջում է ներկայացվող ինքնակենսագրությանը կցել նաև լուսանկար, թեկնածուները դրան հաճախ բացասաբար են վերաբերում: Թեև գործատուն, գուցե, ցանկանում էր հասկանալ թեկնածուի ոճը, ունի արդյոք գործնական տեսք:
Ցավոք, այժմ շրջանավարտներից քչերն են ադեկվատ և համարժեք գնահատում սեփական հնարավորությունները և ֆինանսական ակնկալիքները աշխատանքի ընդունվելիս: Պատճառն այն է, որ մեր երկրում բարձրագույն կրթության համակարգը դեռ շատ հեռու է բիզնեսի պահանջներից: Բացի այդ, որոշ բուհեր, որոնք փորձում են արդարացնել բարձր ուսման վարձերը և ընդգծել իրենց կարևորությունը, ներշնչում են ուսանողներին, որ իրենց դիպլոմի առկայությունը բավական է, որպեսզի շրջանավարտը անմիջապես դառնա պահանջված արևմտյան խոշոր ընկերություններում, այն էլ սկզբնական 2000 դոլար աշխատավարձով:
Տարածել
Կարդա նաև
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)
Kond hօuse-ում տեղի ունեցավ Յանիս Յոնևսի «Յելգավա 94» գրքի շնորհանդեսը (լուսանկարներ)
Տեղի ունեցավ Եվրոպական Միության գրական մրցանակակիր Յանիս Յոնևսի գրքի հեռուստաշնորհանդեսը (թրեյլեր)