Ադրբեջանում նորից զանգվածային ձերբակալություններ են. կրակել են Գյանջայի քաղաքապետի վրա
Ահաբեկչություն և իշխանությունը զավթելու փորձ. Ադրբեջանի ուժայինները Գյանջայի քաղաքապետի վրա հարձակումից մեկ շաբաթ անց փոխել են քրեական գործի ամբողջ բովանդակությունը: Երկրում սկսվել է զանգվածային ձերբակալությունների ալիք` նախագահի անմիջական վերահսկողությամբ: Կալանավորվել է 11 մարդ, արգելափակվել՝ 4 կայք: Քրեական հանցանք կհամարվի դրանք կարդալը:
Կալանավորվել է 11 մարդ, արգելափակվել՝ 4 կայք: Քրեական հանցանք կհամարվի դրանք կարդալը:
Սովորական քրեական գործը վերածվեց համապետական առեղծվածի և վհուկների որսի, երբ պարզ դարձավ, որ, հակառակ ծանր մեղադրանքներին, ադրբեջանցիները դատապարտելու փոխարեն համակրում են Գյանջայի քաղաքապետի վրա կրակած Յունիս Սաֆարովին: Նրան անվանում են ադրբեջանական Ռոբին Հուդ, ժողովրդական վրիժառու:
Ադրբեջանցի օգտատերերը գրում են երկրի 2-րդ խոշոր քաղաքի գլխավոր պաշտոնյայի անվան հետ կապվող աղմկահարույց սկանդալների մասին՝ կոռուպցիա, հովանավորչություն, կամայականություններ: Քաղաքապետ Վալիևը նախագահ Ալիևի մոտ շրջապատից է:
Այս հարձակումը ցույց տվեց Ադրբեջանի ուժայինների բոլոր մոլուցքները: Սաֆարովին նախ անվանեցին շիա մահմեդական, ապա պնդեցին, թե կռվել է «Իսլամական պետության» շարքերում, այսինքն՝ նաև սուննի ծայրահեղական է։ Ընդ որում՝ մայրը հայ է, այն էլ՝ ռուսական հատուկ ծառայությունների գործակալ:
Ընդ որում՝ մայրը հայ է, այն էլ՝ ռուսական հատուկ ծառայությունների գործակալ:
Ադրբեջանում փորձեցին այս կրակոցներից ստանալ առավելագույն հնարավորը: Հարձակման հաջորդ օրն Իրանում ձերբակալել են մոտ 5 տասնյակ ադրբեջանցիների`անջատողական ակցիաներ կազմակերպելու մեղադրանքով: Պնդում են, թե հարձակվողը կապեր է ունեցել Իրանի հետ: Բաքուն փորձեց շահարկել քաղաքական շիիզմ եզրը` ակնարկելով Իրանի դերը ներքաղաքական կրակոցներում:
Հետևեք newmag-ին Telegram-ում և Instagram-ում։
Տարածել
Կարդա նաև
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)