Այդքան զոհեր տվեցինք, որ արդար լինի, ազատ լինի այս երկիրը. Գրետա Սարգսյան
Վազգեն Սարգսյանի ու բանակի մասին
Վազգենը գոնե պիտի ամուսնանար, երեխաներ ունենար, ափսոսում եմ, որ շատ նպատակներ ուներ, որ պիտի կատարվեին: Բայց բանակը Վազգենի որդին էր, ուրեմն նաև իմ` թոռը: Նա ամբողջ էությամբ նվիրված էր բանակաշինության գործին: Նա ասում էր` ցավը տանեմ հայ զինվորի, հայ զինվորից լավը չկա, ես էլ եմ ասում` ձեր ցավը տանեմ, ժողովուրդը ձեր հույսին է, հպարտությամբ կատարեք ձեր պարտքը: Իմ տղան մեր պետականության հիմքերում էր: Թող լացեն այն մարդիկ, ովքեր բան չունեն ասելու: Կռված, հաղթանակ տարած, իր երկիրն ազատագրած սպարապետ որդի եմ ունեցել:
Պետության կառավարում
Մեր պետությունն ու Կառավարությունը պետք է ժողովրդի մասին մտածեն։ Այնպես անեն, որ ժողովրդի վիճակը լավանա։ Եթե Վազգենս լիներ, Հայաստանում այսօր մեր ժողովուրդն այսպես չէր ապրի: Նա ուներ այդ հնարավորությունը, կարողությունը և ուժը։ Այս երկրի համար այդքան զոհեր տվեցինք, որ արդար լինի, ազատ լինի այս երկիրը, խոսքի ազատություն լինի։
Կարդացեք նաև.
- [մոնոլոգ] Վազգեն Սարգսյան. Ավելի լավ է մեկ մոմ վառել, քան հավերժ բողոքել խավարից
- Վազգեն Սարգսյան. Հացի փորձություն
- Ամենակատարյալ ստեղծագործությունն ազատագրված հողն է. Վազգեն Սարգսյան
Վաղվա Հայաստանը
Բոլորդ էլ գիտեք, թե Վազգեն Սարգսյանն ինչպիսի Հայաստան էր ուզում: Ոչինչ, կգա՛ այդ Հայաստանը: Անպայման կգա: Մեր տղաների թափված արյունը սերունդները անպայման հետ կբերեն: Վազգենը ասում էր, եթե հարցնում եք ՝ ինչպիսին է ազատությունը, անկախությունը, նշանակում է՝ հարցնում եք՝ ծնողներիդ սիրո՞ւմ ես: Ազատությունը, անկախությունը մարդու համար ամեն ինչ է, ինչպես և հայրենասիրությունը:
Հետևեք newmag-ին Telegram-ում և Instagram-ում։
Տարածել
Կարդա նաև
Կրթությունը որպես բիզնես առաջնահերթություն / Արտակ Ալեքսյանյանը՝ Beyond Podcast-ի հյուր
Անակնկալ Արմեն Դավթյանին. նոր գիրքը հրատարակվել է բանաստեղծից գաղտնի (լուսանկարներ)
Newmag-ը հրատարակել է Արմեն Դավթյանի «Հազարամյակների և օրերի միջով» պոեզիայի ժողովածուն (թրեյլեր)
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)