Կարևոր է գրքի շապիկը. Instagram-ում գիրքը գեղեցիկ լուսանկար ստանալու աքսեսուար է
Ջոն Ուաթերսը չէր սխալվում. «Մենք պետք է գրքերը նորից պահանջված դարձնենք: Եթե գնաս ընկերուհուդ տուն ու պարզվի, իր տանը գրքեր չկան, չպառկես հետը»: Զվարճալի մոտեցում է, սակայն այն, ինչին նա ձգտում էր` հիմա իրականություն է. գրքերը դարձել են աքսեսուար:
Թիմ Կրայդերն ընդգծում է 2010-ից հետո հրատարակված գրքերի յուրօրինակ դիզայնը, որտեղ սպիտակ շապիկի վրա պարզ գծեր են ու տառեր (օր.`Մալկոլմ Գլադվելի կամ Մուրակամիի գրքերը):
Թվում էր, ժամանակի ընթացքում էլեկտրոնային գրքերը կփոխարինեին տպագիր գրքերին, բայց չստացվեց: Նույնը եղավ ամսագրերի հետ. հայտնվեցին ամսագրերի էլեկտրոնային տարբերակներն, ու մարդիկ սկսեցին յուրահատուկ կերպով վերաբերվել տպագրվածին: Տպագիր գրքերի վաճառքը մեծացնելու համար պետք էր գիրքը ցանկալի դարձնել, այնպես, որ գնորդի համար այն գրավիչ լինի: Սոցկայքերը, հատկապես Instagram-ը, նպաստում են գեղեցիկ կազմով գրքերի գովազդին: Ցանցում կարելի է #bookstagram հեշթեգով հետևել գեղեցիկ լուծումներով նոր գրքերի լուսանկարներին: Այս գործառույթի շնորհիվ կարիք չկա գնալ ինչ-որ մեկի տուն` գրապահարան տեսնելու:
Կարդացեք նաև.
Նաբոկովի ոգեշնչման աղբյուրը. ինչպե՞ս թիթեռները դարձան նրա վերելքի և անկման պատճառը
Ի՞նչ գիրք կարդալ, երբ դրսում տաք է, իսկ դու ցանկանում ես մրսել
Անհոգ հարբեցողը․ ի՞նչ խմիչքների հեղինակ է Էռնեստ Հեմինգուեյը
Գրքի դիզայներ Ռեյչլ Վիլլին կարծում է, որ գրքերը վաղուց կորցրել են իրենց հիմնական նշանակությունը. «Սոցկայքերում մարդիկ գրքերի լուսանկարներ են հրապարակում. ամեն անգամ որևէ նոր վայրում: Ինչ-որ տեղ կարելի է ասել, որ գիրքն աքսեսուար է դարձել»:
Կապ չունի, թե ինչքան հայտնի է գիրքը, բեսթսելլե՞ր է, թե՞ ոչ: Եթե շապիկը գեղեցիկ չէ, բլոգգեր Ֆեք Բրուլը չի հրապարակի իր ինստագրամում: Էմիլի Քլամփն առանձնահատուկ ուշադրությամբ է ընտրում գրքի շապիկները. «Անգամ եթե նույն գիրքը մի քանի տարբեր հրատարակչություններ լույս ընծայեն, կսպասեմ` մինչև իմ հավանած շապիկով գիրքը գնեմ»:
Գրքերի դիզայնը կարևորում են նաև նորաձևության առաջատար կազմակերպությունները: 2018 թվականի աշուն-ձմեռ հավաքածուում «Loewe» ոճային կազմակերպությունը թողարկել է հատուկ տուփեր` գրքերի համար: Հավաքածուում «Դրակուլա» և «Դոն Կիխոտ» գրքերն են, որոնց տուփերը ձևավորել է լուսանկարիչ Սթիվեն Մեյզելը: «Loewe» ոճային կազմակերպության կարծիքով գրքերի տուփերը միայն ինտելեկտուալ մարդկանց համար են: Ուաթերսը գուցե ճիշտ է ասել. «Ոչ ոք ձեզ չի տրվի, քանի դեռ տանը գեղեցիկ կազմով գրքեր չունեք»:
Հետևեք newmag-ին Telegram-ում և Instagram-ում
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)