Զոհվել է Լեսթեր Սիթիի սեփականատերը. նա ուղղաթիռում միայնակ չէր

Զոհվել է Լեսթեր Սիթիի սեփականատերը. նա ուղղաթիռում միայնակ չէր

Թռիչքից մեկ-երկու րոպե հետո ուղղաթիռը կորցրել է հավասակշռությունն ու ընկել է:

Լեսթերի սեփականատիրոջ անձնական ուղղաթիռի պայթյունը եղել է պոչի հատվածի անսարքության պատճառով: Վեսթ Հեմի հետ Պրեմիեր լիգայի տնային խաղից հետո ուղաթիռը 60 մետր բարձրացել է, պտտվել առանցքի շուրջ ու ընկել Լեսթերի Քինգ Փաուեր ստադիոնի հարեւանությամբ: Ակումբը պաշտոնապես հայտարարել է 5 զոհի մասին:

Ուղղաթիռում գտնվող բոլոր ուղեւորները զոհվել են, որոնց թվում` Լեսթերի նախագահ Վիշայ Շրիվադանապրաբհան: Թաիլանդցի գործարարից բացի ուղաթիռում եղել են նրա գործընկերներ Նուսար Սուկնամաին ու Կավերպոն Պունպարը, օդաչու Էրիկ Սվաֆերը եւ ուղեւոր Իզաբելա Լեչովիչը:

Картинки по запросу լեսթեր

Թաիլանդցի գործարարը 2010 թվականին է ձեռք բերել Լեսթերը: Նրա ղեկավարությամբ աղվեսները 2015/16 թվականների մրցաշրջանում դարձել են Անգլիայի չեմպիոն: Շրիվադանապրաբահան Թաիլանդի ամենահարուստ մարդկանցից էր:

Թիմի երկրպագուները Քինգ Փաուեր ստադիոնի հարեւանությամբ ծաղիկներ եւ մոմեր են դրել, ակումբը հետաձգել է մարզումը եւ հոկտեմբերի 30-ին նախատեսված Սաութհեմփթոնի հետ գավաթային խաղը:

 


Հետևեք newmag-ին Telegram-ում և Instagram-ում


 

Գրել կարծիք