Ո՞վ է Հայաստանի 4-րդ նախագահի պոտենցիալ թեկնածուն
Տպավորիչ ճանապարհ անցած, երկրի ներսում և դրսում ճանաչում ունեցող, պատշաճ մակարդակով, ըստ արժանվույն Հայաստանն արտասահմանում ներկայացնելու ունակ, այսինքն՝ անհատ, որը կկատարի իր ներկայացուցչական ֆունկցիաները և՛ երկրի ներսում, և՛ երկրից դուրս: Պետք է իմանա օտար լեզուներ, ունենա մեծ կապեր Սփյուռքում և Հայաստանում, մեծ հեղինակություն վայելի, լինի անկողմնակալ, քաղաքականությամբ երբեք զբաղված չլինի և լինի անկուսակցական:
Սա 4-րդ նախագահի ֆոտոռոբոտն է, որը գծեց Սերժ Սարգսյանը` մտավորականների հետ հանդիպման ժամանակ:
Դրանից հետո քննարկումներն ու կանխատեսումներն ավելի ակտիվացան. Էդուարդ Նալբանդյա՛նն է,-պնդում է մի մասը, Արմեն Սարգսյա՛նն է,-կարծում է մյուս մասը` նկարագրելով Ա.Սարգսյանի կենսագրությունն ու եզրակացնում, որ ամենահավանական թեկնածուն նա է ու որ հենց նրան էր նկարագրում Նախագահ Սարգսյանը:
Քանի դեռ քննարկումները շարունակվում են, ու փակագծերը վերջնականապես բացելու համար ժամեր են մնացել, ամեն դեպքում հիշենք` ով է Արմեն Սարգսյանը:
[caption id="" align="aligncenter" width="699"]
Արմեն Սարգսյան[/caption]Արմեն Սարգսյանը այժմ Մեծ Բրիտանիայում ՀՀ արտակարգ և լիազոր դեսպանն է: 65 տարեկան է, Տեսական ֆիզիկայի և մաթեմատիկայի գիտությունների թեկնածու, Ռազմավարական հետազոտությունների միջազգային ինստիտուտի և Բրիտանական աստղագիտական ընկերության անդամ, Համահայկական ակադեմիական և գիտական ընկերության անդամ: Ճարտարապետ Վարդան Սարգսյանի որդին է:
Դիվանագիտական կարիերան սկսել է 26 տարի առաջ, Մեծ Բրիտանիայում և Հյուսիսային Իռլանդիայում ՀՀ դեսպանը լինելուց բացի, Գլխավոր դեսպան է եղել Եվրոպայում և Եվրամիությունում: Դիվանագիտական առաքելությունն ընդհատել է միայն կարճ ժամանակով` 1996-97թթ., երբ նշանակավել էր ՀՀ վարչապետ: Դրանից հետո Քեմբրիջի համալսարանում հիմնել է «Եվրասիա» կենտրոնը և 10 տարի ղեկավարել այն:
Կարդացեք նաև․
- Սերժ Սարգսյանի հարցազրույցը՝ աշխարհի հեղինակավոր լրատվամիջոցներին
- Ի՞նչ է որոշվում հայաստանյան ընտրություններում. պատերազմ և խաղաղություն Կովկասում
- Նախագահներն ու ֆուտբոլը. որքա՞նով են օգնում, ինչքանո՞վ են խանգարում ու ե՞րբ են միջամտում
Արմեն Սարգսյանի անունը կապվում էր Ամուլսարի ոսկու հանքի հետ, որը պետք է շահագործեր նրա ղեկավարած «Լիդիան ինթերնեյշնլ» ընկերությունը, որն էլ «Գեոթիմ»-ի հիմնադիրն է: Այդ հանքի հետ է կապվում նաև Մեծ Բրիտանիայի արքայազն Չարլզի անունը. հայտնի է, որ Ա. Սարգսյանը մոտ հարաբերություններ ունի Մեծ Բրիտանիայի թագավորական ընտանիքի հետ: 2013-ի սեպտեմբերից Ա. Սարգսյանը հրաժարական է տվել ընկերության ղեկավարի պաշտոնից` դարձյալ դեսպան նշանակվելուց հետո` երրորդ անգամ և 13 տարվա դադարից հետո: Այդ պահից նախաձեռնել է «Երևան, իմ սեր ծրագիր»-ը, որի շրջանակում վերակառուցվեց ու բացվեց «Վարպետաց դպրոցը»: Դա վերականգնողական, սոցիալ-կրթական ու մշակութային կենտրոն է ֆիզիկական սահմանափակ կարողություններ ունեցող երեխաների, անապահով խավերի փոքրիկների համար: Դպրոցի վերակառուցումը ֆինանսավորել են անգլաբնակ բարերարներ Հայկ և Էլզա Տիտիզյանները:
«Երևան, իմ սեր» ծրագիրը բազմաթիվ հովանավորներ ունի` Հայաստանից ու արտասահմանից: Ծրագրի համար Լոնդոնում երկու անգամ խոշոր դրամահավաք է կազմակերպվել:
- Արմեն Սարգսյանը բիզնեսներ ունի նաև Թուրքմենստանում և Ուզբեկստանում:
- Արմեն Սարգսյանը 2010-ին հայտարարել էր, որ քաղաքականությամբ զբաղվելու ցանկություն չունի:
ՀՀ նոր Սահմանադրության 124-րդ հոդվածով` Հանրապետության նախագահ կարող է ընտրվել 40 տարին լրացած, վերջին 6 տարում միայն ՀՀ քաղաքացի հանդիսացող, վերջին 6 տարում ՀՀ-ում մշտապես բնակվող, ընտրական իրավունք ունեցող և հայերեն իմացող յուրաքանչյուր ոք:
Արմեն Սարգսյանը վաղուց Հայաստանում չի բնակվում, սակայն, միջազգային կոնվենցիաներով դեսպանատունը համարվում է սեփական երկրի տարածք: Այսինքն` Մեծ Բրիտանիայում ՀՀ դեսպանատունը համարվում է ՀՀ տարածք, հետևաբար Արմեն Սարգսյանն էլ բնակվում է ՀՀ-ում:
Այդուհանդերձ, ըստ Արմեն Սարգսյանի կենսագրության, նա չի կարող առաջադրվել ՀՀ նախագահի թեկնածու, քանի որ վերջին 6 տարում ՀՀ-ում բնակվելու պայմանն ապահովում է 2019 թվականի սեպտեմբերի 27-ին:
Տարածել
Կարդա նաև
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)