Ո՞ւմ է վստահվել թարգմանությունը և ո՞վ է խմբագրել «Ռոնալդու. Կատարելության տենչով» գիրքը

Թարգմանչուհու համար սա սպորտային բովանդակության հետ աշխատելու առաջին փորձն էր: Չունենալով ֆուտբոլի հետ շատ մեծ սեր, համաձայնել է աշխատել գրքի վրա` այն համարելով մեծ մարտահրավեր: Սկզբում մտավախություն է ունեցել, սակայն էջ առ էջ այն վերածվել է վստահության եւ գիրքը թարգմանելն էլ ավելի հետաքրքիր է դարձել. «Թարգմանության ժամանակ խնդիրը ոչ միայն լեզվական ճիշտ վերարտադրությունն էր, այլեւ ֆուտբոլային բառապաշարի եւ մասնագիտական տերմինների ճիշտ մատուցումը: Այո, հնարավոր է, յուրաքանչյուր թարգմանչին դրանք ծանոթ չլինեն, բայց ինձ հետ աշխատել է փորձառու թիմ. մարզական լրագրողներ, մեկնաբաններ: Բավականաչափ նոր գիտելիքներ ստացա ֆուտբոլից»:

«Հիմնականում անունները պորտուգալական ու իսպանական ծագման էին, բայց հաճախ իսպանացու անունն ուներ պորտուգալերեն հնչողություն եւ հակառակը: Որոշեցինք կանգնել այն տարբերակի վրա, որը հայերենով ավելի բարեհունչ է»

Newmag-ը սեպտեմբերին կներկայացնի Կրիշտիանու Ռոնալդուի մասին պատմող նոր բեսթսելլեր

Լիանա Զաքարյանի աշխատանքը խմբագրել է մեդիաոլորտում եւ խմբագրի մեծ փորձ ունեցող Վասակ Դարբինյանը: Նրա համար նույնպես սպորտային գիրք խմբագրելու առաջին փորձն էր, բայց իր խմբագրած թերթերում միշտ ունեցել է մարզական էջ, որտեղ լուսաբանվել են մարզական իրադարձությունները, ամենաշատը, բնականաբար, ֆուտբոլը. «Նախ պետք է նշեմ, որ տեքստը շատ հաջող էր թարգմանված: Ինձ համար հեշտ էր խմբագրել գիրքը, քանի որ միշտ հետևում եմ ֆուտբոլային կարևոր իրադարձություններին, ֆուտբոլի մասին տեքստերն ինձ համար միանգամայն պարզ են ու հասկանալի:»:

«Վստահ եմ, որ հատկապես պատանիները, որոնք նոր են սկսում իրենց քայլերը ֆուտբոլում եւ ձգտում են լավ ապագա ունենալ, այս գրքում ուսանելի շատ բան կգտնեն»

Հետևեք newmag-ին  Telegram-ում և  Instagram-ում։