[InterPress] Փորձագետները կրկին սխալվում են Թրամփի հարցում

[InterPress] Փորձագետները կրկին սխալվում են Թրամփի հարցում

Թվում է, որ փորձագետները կրկին սխալվում են: Չկա հակաթրամփյան աճող ալիք: Չկա «մեծ, կապույտ ալիք», որը պետք է հեռացնի նոյեմբերին հանրապետականներին և իշխանության բերի դեմոկրատներին:

Իրավիճակը միշտ այսպիսին չէր: Երբ Թրամփը ցավալի հաղթանակ տարավ նախկին պետքարտուղար Հիլարի Քլինթոնի նկատմամբ, առաջ եկավ «դիմադրություն» և  ուժեղ ու բարձրաձայնող շարժում, որը պատրաստ էր պայքարել նոր վարչակազմի դեմ: Նրանք պատրաստ էին ոչ միայն տապալել նրա քաղաքական օրակարգի իրագործումը, այլև պատրաստվում էին նորընտիր նախագահին հեռացնել պաշտոնից: Ցավոք, նրանք դասեր չեն քաղել Բիլ Քլինթոնի և Բարաք Օբամայի ընտրության ժամանակ հանրապետականների արձագանքից : Զայրույթը միայն բավարար չէ փոփոխություններ իրականացնելու համար:

Նախագահի վստահության քվեն հասել է մոտ 45 տոկոսի: Չնայած տպավորիչ չէ, սակայն աղետալի էլ չէ: Դա կայուն դիրքորոշման դրսևորում է, որով առաջնորդվում է երկիրը, քանի դեռ օրակարգը չափազանց հավակնոտ չէ: Թրամփի օրակարգն այդպիսին չէ: Իրականում, իր նախորդների հետ համեմատած, այն զարմանալիորեն  սահմանափակ է և հաղթանակ է ապահովում իր հակառակորդներին մեղադրելու միջոցով:


Կարդացեք նաև.


Նա կրճատեց հարկերը, որն աշխուժացրեց ամերիկյան տնտեսությունը և աշխատատեղեր վերադարձրեց ամերիկացիներին: Նա նոր առևտրային պայմանագիր ստորագրեց Մեքսիկայի և Կանադայի հետ, չնայած շատ քննադատներ ասում էին, որ դա անհնար է: Գործազրկության մակարդակը ռեկորդային ցածր է: Դա բավարար է հաջողության հասնելու և հանրապետական կոնգրեսականներին և թեկնածուներին առաջնորդելու համար:

Վերլուծաբանները հաճախ անդրադառնում են քաղաքականության մեջ քաղաքավարության պակասին  (ինչպիսին են, օրինակ՝ «Թրամփի թվիթները»), որն ամենամեծ խնդիրն է: Սա փաստարկ է, որին, հավանաբար, անկախ ընտրողները ցանկանում են հավատալ:  Այն համապատասխանում է նրանց անհատականությանը, նրանց ապրելակերպին և ամերիկյան քաղաքականության վերաբերյալ նրանց կարծիքին: Դրա վերաբերյալ շատերն ասում են՝ այն կոպիտ է, կոռումպացված, քողարկված բիզնես շահերով: Ահա թե ինչու նրանք անկախ ընտրող են և հակված են ասել՝ «Ես քվեարկում եմ այս կամ այն մարդու այլ, ոչ թե կուսակցության օգտին»: Նրանց համար քաղաքական կուսակցությանը հավատարիմ լինելը հակաամերիկյան դրսևորում է, որը ենթադրում է երկրի խնդիրների վերաբերյալ մտքի թռիչքի կամ քննադատական դատողության բացակայություն:

Շարունակությունը՝ InterPress.am-ում


Հետևեք newmag-ին Telegram-ում և Instagram-ում


 

Գրել կարծիք