Թուրքիայում չեղարկվել է արտակարգ դրությունը. 2 տարում ձերբակալվել է 160 հազար մարդ

Թուրքիայում չեղարկվել է արտակարգ դրությունը. 2 տարում ձերբակալվել է 160 հազար մարդ

newmag-ը պատմում է, թե երկու տարում ինչ իրադարձություններ են ծավալվել Թուրքիայում:

Թուրք ընդդիմադիր պատգամավորը չէր սափրվել ուղիղ 2 տարի՝ բողոքելով արտակարգ դրության ռեժիմի դեմ: Այժմ ամեն ինչ անցյալում է՝ արտակարգ դրությունը չեղարկված: Հատուկ սահմանափակումները հաստատվել էին երկու տարի առաջ, երբ երկրում տեղի էր ունեցել ռազմական հեղաշրջման անհաջող փորձ:

Զոհվեց մոտ 250 մարդ, 2 հազարը վիրավորվեց, բայց Էրդողանին չեզոքացնել չհաջողվեց: Նրա կոչին արձագանքեցին հարյուր հազարավոր թուրքեր, դուրս եկան փողոց ու սկսվեցին բախումներ զինվորների հետ:

Զոհվեց մոտ 250 մարդ, 2 հազարը վիրավորվեց, բայց Էրդողանին չեզոքացնել չհաջողվեց:

Ձերբակալությունները ռեկորդային էին, հաստատվեց արտակարգ դրություն, ինչը ենթադրում էր հանրային կյանքի օրինական սահմանափակում: Մամուլի հանդեպ սահմանվեց տոտալ հսկողություն, հավաքների իրավունքը փաստացի դադարեց իրացվել, իրավապահները ստացան մարդկանց ահաբեկելու իրավունք: Այդ ընթացքում Էրդողանը առանց որևէ դիմադրության փոխեց սահմանադրությունը, ընտրվեց նախագահ, չեզոքացրեց վտանգավոր ընդդիմախոսներին: 

Էրդողանը տապալված հեղաշրջումը համարում է ժողովրդավարության հաղթանակ, բայց փողոցային մարտերին հաջորդած երկու տարվա ռեպրեսիաները խոսում են բոլորովին այլ իրականության մասին: Այժմ նրա իշխանությունն ամրապնդված է, հետևաբար պետք չէ նաև արտակարգ դրություն: Թուրքիայում սկսվում է քաղաքական նոր շրջան:


Հետևեք newmag-ին  Telegram-ում և  Instagram-ում։


 

Գրել կարծիք