[InterPress] Բրեքզիթ. կարո՞ղ է արդյոք Բրիտանիայի վարչապետ Թերեզա Մեյը մնալ պաշտոնում

[InterPress] Բրեքզիթ. կարո՞ղ է արդյոք Բրիտանիայի վարչապետ Թերեզա Մեյը մնալ պաշտոնում

Մի քանի ամիս Բրեքզիթի շուրջ անհամաձայնությունից կամ ԵՄ հետ համաձայնության հասնելու Միացյալ Թագավորության անկարողությունից հետո կարծես նախանշվում է որոշակի առաջընթաց: Այնուամենայնիվ, Բրեքզիթի ապագան դեռ անորոշ է, առաջիկա ամիսներն առանցքային են:

Չորեքշաբթի օրը, գրեթե հինգ ժամ փակ դռների հետևում կայացած քննարկումից հետո Մեծ Բրիտանիայի կառավարության կենտրոնակայանում վարչապետ Թերեզա Մեյը հայտարարեց, որ կառավարությունը համաձայնվել է իր առաջարկների հետ:

Մեյի առաջարկած տարբերակը, որի հետ համաձայնվել են նաև Մեյի կառավարության բազմաթիվ անդամներ, Մեծ Բրիտանիային հնարավորություն է տալիս մնալ ԵՄ մաքսային միությունում: Այն նաև առաջարկել է տարբերակ, որով հնարավոր կլինի խուսափել Իռլանդիայի Հանրապետության հետ սահմանային խիստ ռեժիմից: Վերջինս ԵՄ անդամ է և սահմանակից Հյուսիսային Իռլանդիային, որը Մեծ Բրիտանիայի մաս է կազմում և Բրիտանիայի հետ կլքի ԵՄ-ն:


Կարդացեք նաև․


Թերևս, Իռլանդիայի սահմանի խնդիրն ամենաբարդ հարցն է Բրեքզիթի բանակցություններում: Իռլանդիայի Հանրապետության և Հյուսիսային Իռլանդիայի միջև բաց սահմանը խաղաղության հաստատման գրավականն է: Անցակետերի ու սահմանային ծանր ռեժիմի հաստատումը կխոչընդոտի առևտրային հոսքը, ինչպես նաև այն մարդկանց ազատ տեղաշարժը, ովքեր ամեն օր սահմանը հատում են՝ ընտանիքի անդամներին տեսնելու կամ աշխատանքի գնալու համար:

Բայց դա չի նշանակում, որ բանակցություններն ավարտվել են կամ Միացյալ Թագավորությունը պատրաստ է լքել Եվրոպան: Համաձայնությունը պետք է հաստատեն ԵՄ 27 անդամ պետությունների ղեկավարները և վավերացնեն ինչպես Մեծ Բրիտանիայի, այնպես էլ եվրոպական խորհրդարանները: Այս հարցով Մեյը դիմել է Համայնքների պալատին, իսկ Բրեքզիթի հարցով ԵՄ գլխավոր բանակցող Միշել Բարնիերը մեկնել է Ստրասբուրգ՝ հանդիպելու եվրոպական առաջնորդների հետ:

Շարունակությունը՝ InterPress.amում


Հետևեք   newmag-ին    Telegram–ում և    Instagram–ում


 

Գրել կարծիք