[Forbes] Մի քիչ կրակ. պե՞տք է պայքարել հոգնած աշխատակցի համար
Հոգեբանները առանձնացնում են մասնագիտական անկման մի քանի աստիճան: Գաղափարով տարված մարդը նախ փորձում է աշխատել շատ և արդյունավետ: Հետո ձգտում է ավելի մեծ արդյունքի` զոհաբերելով անձնականը. աշխատում է հանգստյան օրերի հաշվին, հրաժարվում է արձակուրդից: Եվ դառնում է ամենաէֆեկտիվ աշխատակիցներից մեկը: Բայց վերածվում է ինքնամփոփ, դյուրագրգիռ, ցրված մարդու: Նրա արդյունավետությունը սկսում է նվազել: Դրանով անհանգստացած`աշխատակիցը սկսում է ավելի շատ գործ անել, բայց դա նրան այլևս հաճույք չի պատճառում: Սկսում է ներքին դատարկություն զգալ, հետո` դեպրեսիա, և վերջապես` անկում:
Եթե նկատում եք, որ աշխատակիցը մյուսներից շատ է աշխատում, ուշադիր եղեք նրա նկատմամբ: Մասնագիտական անկման վաղ հայտնաբերման փուլում բավական կլինի հասարակ արձակուրդը: Բայց, ցավոք, սովորաբար խնդիրը ակնհայտ է դառնում, երբ աշխատակիցն արդեն ներքին դատարկություն է զգում, և «մի երկու շաբաթ հանգստացիր» արտահայտությունն այլևս չի փրկի: Հոգեբանները պնդում են, որ ուժասպառ աշխատակիցը կվերականգնվի կես տարում:
Հոգեբանները պնդում են, որ ուժասպառ աշխատակիցը կվերականգնվի կես տարում:
Եվ ամենևին պարտադիր չէ այդ հարցում օգնել նրան: Պետք չէ «բուժել» այն աշխատակիցներին, որոնք հարկադրված են անընդհատ շփվել բազմաթիվ մարդկանց հետ` բժիշկներ, դասավանդողներ, լրագրողներ: Հատկապես այս մասնագետներն են ռիսկային խմբում: Կարևոր է հասկանալ, որ ուժասպառ լինող մարդը սկսում է խորշել ոչ միայն իր մասնագիտությունից, այլև առհասարակ մարդկանց հետ շփումից:
Կարդացեք նաև.
- Վախ անհաջողությունից. ինչպես հաղթահարել այն 5 րոպեում
- Ղեկավարի բացակայությունը հաջող պահ է պաշտոնը բարձրացնելու համար
- Ինչպե՞ս դադարեցի շտապել և հասա հաջողության
Ռիսկային մյուս խմբում պերֆեկցիոնիստներն են: Հիվանդագին ձգտումը կատարյալին նրանց բնավորության ֆունդամենտալ հատկությունն է, հետևաբար ինքնասպառման դառը փորձ ունեցող պերֆեկցիոնիստը` վերադառնալով աշխատանքի, շարունակում է գերծանրաբեռնվել, և իրավիճակը կրկնվում է: Խնդիրը լուծելու գլխավոր տարբերակն ինքն իր վրա աշխատելն է` հաճախ փորձառու հոգեբանի օգնությամբ:
Խնդիրը լուծելու գլխավոր տարբերակն ինքն իր վրա աշխատելն է` հաճախ փորձառու հոգեբանի օգնությամբ:
Այդ իսկ պատճառով լավ է ռիսկի չենթարկել ընկերության ներքին միջավարը և աշխատակցի առողջությունը: Սպառված պերֆեկցիոնիստին հետ մի՛ վերցրեք աշխատանքի, նույնիսկ եթե նա լիարժեք վերականգնվել է:
Բայց պատահում է և այլ կերպ. որոշ մարդկանց պետք է օգնել վերականգնվել: Օրինակ` երբ նրա աշխատանքը շահավետ է ընկերության համար: Փորձը ցույց է տալիս, որ վերականգնման փուլում աշխատակցին օգնելը` հանգստյան տան ուղեգիր ու վճարվող արձակուրդ տրամադրելը, ընկերությանը երկու դեպքում է օգուտ բերում: Առաջինը` երբ աշխատակիցը պահանջարկ վայելող արհեստավարժ է, և երկրորդ` առանձնահատուկ գիտելիքով և ունակություններով մարդ է:
Բայց ամենակարևորը. եթե սպառված մարդուն հնարավոր է փոխարինել, թող սպառվածը գնա: Երկարատև արձակուրդը, բնագավառ փոխելն ու այլ ընկերությունում աշխատանքի տեղավորվելը այդ մարդու համար էլ օգտակար կլինի:
Հետևեք newmag-ին Telegram-ում և Instagram-ում։
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)