12 նշան, որ դուք վատ աշխատող եք
Դուք մշտապես ուշանում եք
Եթե ամիսը մի քանի անգամ աշխատանքի եք ներկայանում նախատեսված ժամից ուշ, մտածելու տեղիք է տալիս: Եթե ձեր սեղանին եք մոտենում գործընկերների խեթ հայացքների ներքո, փոխվելու ժամանակն է: Եթե կրճատումների հարց առաջանա, առաջինն ուշացողներին կհիշեն:
Ինչո՞ւ է դա վատ
Ճշտապահություն մեզ սովորեցնում են դեռ մանկուց: Եթե տարիներն անցնում են, իսկ դուք չեն կարողանում այնպիսի չնչին հարց լուծել, ինչպես ժամանակի ճիշտ հաշվարկն է, կարելի՞ է ձեզ լուրջ աշխատանք վստահել:
Ինչպե՞ս շտկել
Պարզեք, թե ինչու եք ուշանում: Եթե չեք կարողանում ժամանակին արթանանալ, շուտ քնեք: Եթե խցանումներն են պատճառը, տնից շուտ դուրս եկեք: Արտակարգ իրավիճակներ հազվադեպ են լինում և անսպասելի, իսկ դեպի գրասենյակ տանող ճանապարհի դժվարությունները, որպես կանոն, կանխատեսելի են:
Դուք մեխանիկորեն եք կատարում հանձնարարությունները
Կշտամբելու առիթ չեք տալիս, չէ՞ որ անգործ չեք նստում: Բայց, ցավոք սրտի, գովելու բան էլ չկա, քանի որ անում եք այնքան, որքան պետք է, որպեսզի ձեզ չազատեն աշխատանքից: Յուրաքանչյուր լրացուցիչ առաջադրանք նյարդայնացնում է ձեզ: Իսկ ամենօրյա գործերը կատարում եք, հենց ասեն՝ չօպտիմալացնելով պրոցեսը:
Ինչո՞ւ է դա վատ
Այդ դեպքում շատ են մինուսները ոչ միայն ընկերության, այլև աշխատակցի համար: Մի կողմից՝ աշխատակիցը ոչինչ չի սովորում, անընդհատ վերահսկողության և ցուցումների կարիք ունի, յուրաքանչյուր նոր բան սաբոտաժի է ենթարկում: Մյուս կողմից՝ չեք զարգանում, որն էլ զրկում է որևէ հեռանկարից:
Ինչպե՞ս շտկել
Եթե հետաքրքիր չէ աշխատանքը, գուցե մտածեք ոլորտը փոխելու մասին: Կամ էլ փորձեք «կրակ» ավելացնել ընթացիկ առաջադրանքներում: Օրինակ՝ ձեր իսկ շահերից է բխում, որքան հնարավոր է, արագ աշխատեք: Այն ժամանակ կազատի առնվազն թեյախմության և գործընկերների հետ շփման համար: Կամ էլ կարող եք այլ պարտականություններ վերցնել ձեզ վրա և հավակնել ավելի բարձր աշխատավարձի կամ բարձր պաշտոնի:
Գործընկերներից դանդաղ եք աշխատում
Բոլորի պարտականությունները գրեթե նույնն են, բայց դուք միշտ բոլորից ուշ եք ավարտում:
Ինչո՞ւ է դա վատ
Ցանկացած կոլեկտիվում կան արագ ու խելացի մարդիկ, որոնք բոլորից օպերատիվ են աշխատում: Պետք չէ ամեն ինչ նրանցով չափել: Բայց եթե շատ եք հետ ընկնում միջին ցուցանիշներից, դուք այդ շղթայի թույլ օղակն եք:
Ինչպե՞ս շտկել
Եթե նորեկ եք ու դեռ չեք մտել աշխատանքային ռիթմի մեջ, ոչ ոք ձեզնից փորձառուի տեմպ չի ակնկալում: Եթե փորձաշրջանը վաղուց անցել է, բայց այդպես էլ արագ աշխատել չեք սովորել, պարզեք պատճառները: Հնարավոր է՝ դուք շատ եք շեղվում կամ անհրաժեշտ գիտելիք չունեք: Հետևաբար կամ պետք է սովորեք, կամ թայմ-մենեջմենթի կանոնները յուրացնեք:
Օպերատիվ պատասխանում եք սոցցանցերում
Ամենաքիչը 5 րոպեից պատասխանում եք սոցցանցերի հաղորդագրություններին:
Ինչո՞ւ է դա վատ
Օպերատիվ պատասխանները վկայում են այն մասին, որ դուք անընդհատ ստուգում եք սոցցանցերի ձեր էջերը՝ վատնելով աշխատանքային ժամերը:
Ինչպե՞ս շտկել
Օրվա մեջ մի քանի կարճ ընդմիջումներ արեք և ստուգեք սոցցանցերի էջերը: Դրանք բացեք խիստ ժամանակացույցով:
Միշտ ինչ-որ բան եք խնդրում
Ձեզ դժվար է բռնացնել աշխատավայրում աշխատանքային ժամին՝ ատամ եք բուժում, ծնողական ժողով եք գնացել, 5 րոպեով դեղատուն եք մտել, բայց վերադարձել եք 1 ժամից:
Ինչո՞ւ է դա վատ
Գործարքային վճարման դեպքում գործատուն վնաս չի կրում ձեր բացակայության ժամանակ, քանի որ դուք վճարվում եք միայն արդյունքի համար: Եթե աշխատավարձի նույնիսկ կեսը գործարքային չէ, ուրեմն՝ ձեզ վճարում են աշխատավայրում գտնվելու ժամերի համար:
Ինչպե՞ս շտկել
Պետք չէ չարաշահել գործատուի բարությունը: Անձնական խնդիրները լուծեք ազատ ժամերին: Բայց եթե, այնուամենայնիվ, պետք է դուրս գալ աշխատավայրից, համարժեք փոխարինող առաջարկ ներկայացրեք տնօրենին: Օրինակ՝ հաջորդ օրը մեկ ժամ երկար աշխատեք, որպեսզի հասցնեք կատարել աշխատանքը:
Ձեզ պատասխանատու հանձնարարություններ չեն վստահում
Ձեր աշխատանքում նույնիսկ փոքրիկ սթրես չկա, միայն հասկանալի ու պարզ հանձնարարություններ եք կատարում:
Ինչո՞ւ է դա վատ
Կարևոր պրոյեկտները վստահում են բանիմաց և պատասխանատու աշխատակիցներին, որոնք հաստատ սևերես չեն անի նույնիսկ ամենակրիտիկական պահին: Եթե բարդ հանձնարարությունները ձեր կողքով են անցնում, դուք ամենալավ և թանկ կադրերի թվում չեք:
Ինչպե՞ս շտկել
Նախաձեռնող եղեք, ինքնաառաջադրվեք, երբ նոր պրոյեկտի մասին է խոսքը: Բայց կատարումը պետք է գերազանց լինի, այլապես կամրապնդեք կարծիքը, որ ձեր վրա պետք չէ հույս դնել:
Ձեզնից հաշվետվություն են պահանջում նույնիսկ ամենաչնչին հանձնարարությունների ժամանակ
Ղեկավարությունը հաշվետվություն է պահանջում ոչ միայն պրոյեկտների մասով, այլև ամենօրյա գործերի, թե որը որքան ժամանակ է ձեզնից խլել:
Ինչո՞ւ է դա վատ
Եթե դա նոր մենեջմենթ ներդնելու համար չէ, որը տարածվում է բոլոր աշխատակիցների վրա, նշանակում է ղեկավարի մոտ կասկած է առաջացել, որ դուք ոչինչ չեք անում: Եվ հիմա նա փորձում է հասկանալ՝ այդպե՞ս է, թե՞ ոչ:
Ինչպե՞ս շտկել
Հավաքեք բոլոր ուժերն ու վերադարձրեք ղեկավարության վստահությունը: Դրա համար, իհարկե, պետք է դառնաք չափազանց արդյունավետ աշխատակից:
Դուք՝ որպես «ընդհատակյա շարժումների» կազմակերպիչ
Աշխատավայրը դիտարկում եք որպես կռվի դաշտ՝ կոալիցիա եք ստեղծում, գործընկերներին իրար դեմ եք հանում, տրամադրում ղեկավարության դեմ: Սթրեսային, ոչ կառուցողական մթնոլորտ եք ստեղծում:
Ինչո՞ւ է դա վատ
Գուցե ձեզ արդարության մարտիկ եք կարծում, որը ամեն ինչ կարգի կբերի: Բայց եթե կառուցողական առաջարկ ունեք, որով աշխատանքային մթնոլորտն ավելի արդյունավետ կդարձնեք, բարձրաձայնեք: Ինտրիգների սիրահարին հավասարապես չեն սիրում ո՛չ հակառակորդները, ո՛չ էլ յուրայինները:
Ինչպե՞ս շտկել
Կամ խնդիրը բաց քննարկեք, կամ բավարարվեք նրանով, ինչ ունեք, կամ էլ այլ կոլեկտիվ փնտրեք, որտեղ ամեն ինչ ձեզ դուր կգա:
Գործընկերները խուսափում են ձեզնից
Ձեզնից օգնություն չեն խնդրում, ձեզ չեն հրավիրում գարեջուր խմելու, ծիծաղը դադարում է, երբ ներս եք մտնում:
Ինչո՞ւ է դա վատ
Օֆիսը ոչ թե ընկերություն անելու, այլ աշխատելու վայր է: Այնուամենայնիվ, թուլացած միջավայրում աշխատելն ավելի հեշտ է: Վատ չէր լինի ընկերական հարաբերություններ ձևավորել: Ի վերջո, դուք էլ կարող եք օգնության կարիք ունենալ:
Ինչպե՞ս շտկել
Անհանդուրժողականությունը հենց այնպես չի լինում: Հնարավոր է՝ ինչ-որ բան այնպես չեք անում: Օրինակ՝ գործընկերներին վերևից եք նայում, չափազանց շատ եք փորձում ղեկավարության վստահությունը շահել, բամբասում եք, գլուխ եք գովում: Հնարավոր է նաև, որ ձեզ իսկապես ոչ ոք դուր չի գալիս: Այդ դեպքում գործը փոխելու մասին մտածեք: Հակառակ դեպքում փորձեք սիրալիր լինել:
Հաճախ եք սխալվում
Հաստատ գիտեք, եթե կանչում են ղեկավարի մոտ, նկատողություն են անելու:
Ինչո՞ւ է դա վատ
Աշխատանքի մեջ սխալվելը երբեմն ավելի վատ է, քան առաջադրանքը չկատարելը: Սխալ հաշվետվությունը կարող է հայտնվել հաճախորդի ձեռքում, և ընկերությունը կարող է կորցնել պատվիրատուին: Սխալ հաշվարկների հետևանքով, օրինակ՝ աշխատակիցները կարող են զրկվել աշխատավարձից:
Ինչպե՞ս շտկել
Լրացուցիչ ճգրտումներ արեք: Օրինակ՝ պատրաստի հաշվետվությունը որոշ ժամանակով մի կողմ դրեք, հետո վերադարձեք ու թարմ գլխով ընթերցեք: Եթե հնարավոր է ավտոմատ եղանակով ճշտումներ անել, կիրառեք այն, բայց մի սահմանափակվեք դրանով:
Կարդացեք նաև.
- 7 պարզ խորհուրդ. ինչպե՞ս առավելագույն օգուտ ստանալ աշխատանքային ժամից
- Ինչպե՞ս կազմակերպել աշխատանքային օրը. ահա 5 խորհուրդ
- Ինչպե՞ս սովորել չուշանալ աշխատանքից․ ահա 3 օգտակար խորհուրդ
Առաջնահերթությունները սխալ եք դասավորում
Կարող եք մի ամբողջ օր կորցնել երկրորդական գործի վրա և հանկարծ պարզել, որ առաջնայինը մի կողմ դրած նախագծերից մեկն է:
Ինչո՞ւ է դա վատ
Ձեզ համար դժվար է պատկերն ամբողջական տեսնել ու գնահատել, թե որն է առաջնահերթ ընկերության համար ավելի երկար ժամանակի համար: Սա կարևոր է, եթե ցանկանում եք լավ աշխատող համարվել:
Ինչպե՞ս շտկել
Փորձեք դուրս գալ ձեր պարտականությունների շրջանակից և տեսնել, թե ինչով են զբաղված գործընկերները, ինչ գլոբալ նպատակներ ունի ընկերությունը, թե որ ցուցանիշներն են ապահովում դրա հաջողությունը: Սա կփոխի աշխարհի մասին պատկերացումները և կօգնի ճիշտ դասավորել առաջնահերթությունները:
Չեք ցանկանում աշխատանքի մասին պատմել ընկերներին
Տարբեր պատճառաբանություններ եք բերում և խուսափում աշխատանքի մասին խոսակցություններից: Ձեր մտերիմներն այնքան քիչ բան գիտեն դրա մասին, որ կասկածում են, թե գաղտնի ծառայության հետ են համագործակցում:
Ինչո՞ւ է դա վատ
Եթե չեք գործակցում հույժ գաղտնի ծառայությունների հետ, և աշխատանքն էլ ձեզ դուր է գալիս, բնական է, որ ցանկանում եք մտերիմներին պատմել այդ մասին: Եվ հակառակը, ընդհանրապես չեք ցանկանում քննարկել այն, ինչը ձեր սրտով չէ, ձանձրալի է և հպարտանալու առիթ չի տալիս: Իսկ չսիրած աշխատանքը հնարավոր չէ կատարել եռանդով:
Ինչպե՞ս շտկել
Փոխեք աշխատանքը: Դաժան է կյանքի մեկ երրորդը ծախսել ձեզ համար անհետաքրքիր գործի վրա:
Հետևեք newmag-ին Telegram-ում և Instagram-ում։
Տարածել
Կարդա նաև
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)
Kond hօuse-ում տեղի ունեցավ Յանիս Յոնևսի «Յելգավա 94» գրքի շնորհանդեսը (լուսանկարներ)