Եկել է շոուի ժամանակը. ե՞րբ կակտիվանան Apple-ի ներկայացրած նորույթները

Եկել է շոուի ժամանակը. ե՞րբ կակտիվանան Apple-ի ներկայացրած նորույթները

Տարվա ամենասպասված տեխնոնորությունը: Apple-ը հանդես է եկել ամենամյա շոուով: Տեխնոհսկան ներկայացրել է իր վիրտուալ քարտը, Թի Վի պլյուսն ու նոր ծրագրային թարմացումները:

Սթիվ Ջոբս թատրոնում եկել է շոուի ժամանակը: Apple-ը ներկայացրել է իր վիրտուալ Apple քարտը, սեփական սթրիմինգ Apple TV+ը և նոր ծրագրային թարմացումները, որոնք օգտատերերին հանարավորություն կտան առանց գովազդի խաղեր խաղալ:

Յուրօրինակ կոնտենտ միայն Apple TV+ի բաժանորդների համար: Apple-ը մշակել է նոր ծառայություն, այն առաջարկում է էքսկլյուզիվ ֆիլմեր, սերիալներ և շոուներ: Մրցակցային դաշտում չպարտվելու համար Apple-ը հայտարարեց, որ արդեն սկսել Է համագործակցել հայտնի ռեժիսորների և դերասանների հետ՝  սերիալներ ու ֆիլմեր նկարելու համար: Բեմ բարձրացավ ամերիկացի ռեժիսոր Սթիվեն Սփիլբերգը և ներկայացրեց սարսափ ու գիտաֆանտաստիկ լուծումներով նոր սերիալը, որը կլինի Apple TV+ի ցանցում: ՍԵրիալային անոնսները հաջորդեցին մեկը մյուսին՝ հոլիվուդյան հայտնի դերասանները հերթով բարձրացան բեմ և հայտարարեցին իրենց նոր սերիալների մասին:

Apple-ի հաջորդ նորույթը վիրտուալ Apple քարտն է: Սովորական բանկային քարտից  տարբերվում է իր անսովոր հնարավորություններով: Օգտատերը կստանա քեշբեք ցանկացած գնումից և անկախ արժեքից: Wallet ծրագրի միջոցով հնարավոր կլինի ստուգել հաշիվը և գնած ապրանքների պատմությունը: Apple-ը երաշխավորում է, որ իր օգտատերերի տվյալները մնալու են գաղտնի և 3-րդ անձին  անհասանելի :

Բոլոր հայտնի ամսագրերը մեկ հավելվածում: 9 դոլար 99 սենթ ամսական բաժանորդագրությամբ՝ Apple news+-ն առաջարկում է ավելի քան 300 ամսագիր՝ Iphone-ի և Ipad-ի համար: Apple-ը հատուկ նշում է, որ չի հետևելու օգտատերերի գործողություններին և չի կարդալու գործողությունների պատմությունը, առաջարկվող նյութերն ընտրվելու են արհեստական ինտելեկտի միջոցով, մնացած ամեն ինչ գաղտնի է մնալու:


Կարդացեք նաև.


Խաղեր սիրող օգտատերերի համար Apple-ը նույնպես նորույթ ունի: Apple Arcade ծառայությունը առաջարկում է 100-ից ավելի էքսկլյուզիվ խաղեր առանց գովազդի և հավելյալ ծրագրի վճարի: Միայն պետք է վճարել ամսական ծառայության համար:

Apple-ի ծրագրային թարմացումները և նոր ծառայությունները կակտիվանան աշնանը: Հիմա կա միայն  Apple news+-ը, որի բաժանորդագրության առաջին ամիսն անվճար է:


Հետևեք   newmag-ին    Telegram–ում և    Instagram–ում


 

Գրել կարծիք