Իմ և Մեսսիի միջև տարիների պայքարը մեզ ավելի լավը դարձրեց. Կրիշտիանու Ռոնալդու
Մոնակոյում աստղաբույլի հավաքույթը դեժավյու առաջացրեց՝ վաղուց Ռոնալդուն եւ Մեսսին նույն գալա երեկոյին ներկա չէին եղել: Լիվերպուլի պաշտպան Վիրջիլ Վան Դեյքի հետ նրանք հավակնում էին ՈՒԵՖԱ-ի վարկածով տարվա լավագույն ֆուտբոլիստ մրցանակին: Ուրախ մթնոլորտն ապահովեց պորտուգալացին, որը գովեց իր երկարամյա մրցակցին ու խոսեց հավանական համատեղ ճաշկերույթի մասին:
«Ես կարոտում եմ իսպանական ֆուտբոլը։ Դա տարիների պայքար էր իմ և Մեսսիի միջև, որը երկուսիս էլ ավելի հասուն ու ավելի լավը դարձրեց։ Մենք լավ հարաբերությունն ունենք, ճիշտ է, դեռ չենք ճաշել միասին, բայց հույս ունեմ՝ կանենք դա: Ավարտել կարիերան Մեսսիի հետ միևնույն ժամանա՞կ։ Գիտե՞ք, վատ միտք չէ, քանի որ նա ինձնից երկու տարի փոքր է։ Սակայն ես ինձ լավ եմ զգում ու հույս ունեմ լինել այստեղ մյուս տարի, երկու տարի, երեք տարի հետո».-ասել է «Յուվենթուսի» հարձակվող Կրիշտիանու Ռոնալդուն
Մինչդեռ Մեսսին եւ Ռոնալդուն ծրագրում էին իրենց առաջին համատեղ ընթրիքը, Վան Դեյքը ստացավ ՈՒԵՖԱ-ի վարկածով տարվա լավագույն ֆուտբոլիստի մրցանակը: Անցած մրցաշրջանում հոլանդացին Լիվերպուլի հետ նվաճել էր Չեմպիոնների լիգայի գավաթը, ազգային հավաքականի հետ՝ հասել Ազգերի լիգայի խաղարկության եզրափակիչ:
Հետևեք newmag-ին Telegram–ում և Instagram–ում
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)