Տեղի ունեցավ «Աղջիկ ջան, մի՛ արդարացիր» գրքի շնորհանդեսը (տեսանյութ)

Տեղի ունեցավ «Աղջիկ ջան, մի՛ արդարացիր» գրքի շնորհանդեսը (տեսանյութ)

Ռեյչլ Հոլիսի մոտիվացիոն ձեռնարկը հաջողության հասնելու նախադրյալների մասին է

Ռեյլչ Հոլիսը վերադառնում է: Աղջիկներին ուշքի բերելուց հետո, մոտիվացիոն խոսնակ և 4 երեխայի մայր Ռեյչլ Հոլիսը հորդորում է՝ չարդարանալ: «Աղջիկ ջան մի արադարացիր» բեսթսելլերում Ռեյչլ Հոլիսը նկարագրում է քայլերը, որոնք տանում են հաջողության: Գիրքը նպատակներ սահմանելու և դրանց հասնելու մասին է:

Համաշխարհային բեսթսելլերը տալիս է հենց այդ հարցի պատասխանը: Գիրքը թարգմանվել է աշխարհի 20 լեզուներով և գլխավորել է Նյու Յորք թայմսի և Փաբլիշրս վիքլիի բեսթսելլերների ցուցակը: Այժմ այն հրատարակվել է նաև հայերեն: Գրքի թարգմանությունը newmag-ը վստահել է «Աղջիկ ջան, ուշքի արի» գրքի թարգմանչին:

Գրքի ուղերձը հստակ է. հավատալ ուժերին և գնալ երազանքի հետևից: Ռեյչլ Հոլիսի հոջողության բանաձևը գիրքը խմբագրելիս առանձնացրել է Տաթևիկ Նալբանդյանը:

Գիրքն այն մասին է, թե ինչպես միայն ավագ դպրոցի վկայականով, երիտասարդ և վախկոտ աղջիկը, որը սարսափում էր շրջապատի կարծիքներից դարձավ ինքնավստահ և հպարտ կին: Սա միայն Ռեյչլի պատմությունը չէ. չարդարանալու առաջին փորձությունը հաղթահարելու մասին այսօր խոստովանում են նաև մեր կողքին ապրող հաջողության հասած կանայք:

Շնորհանդեսին newmag-ը ներկայացրեց ոչ միայն Ռեյչլ Հոլիսի գիրքը, այլև մրցանակ տվեց երեք այն կանանց, որոնք ի հեճուկս դժվարությունների, առանց արդարացում փնտրելու հաջող են իրենց կարիերայում և կյանքում:

Մրցանակակիրները ստացան Pregomesh զարդեր, գինի Արմենիա վայնից և իհարկե Ռեչլի նոր գիրքը: Այն հրատարակվել է Դիջիթեյնի հետ գործակցությամբ: Ընկերության միջազգային զարգացման մենեջերի համոզմամբ՝ Ռեյչլ Հոլիզի գիրքը կարևոր ուղերձ է կանանց:

Ռեչյլ Հոլիսի գիրքն արդեն վաճառքում է: Այն գրախանութներում է արդեն մի քանի օր և շնորհանդեսի օրը պարզվեց, որ գիրքը բեսթսելլեր է: Մի քանի օրում սպառվել է ամբողջ տպաքանակի գրեթե 80 տոկոսը:

Գրել կարծիք