Առեղծվածային պատմություն՝ կնոջ ինքնասպանության և նրա կորած որդու մասին

ԱՄՆ-ում 2011-ին կնոջ ինքնասպանությունից հետո նրա 6-ամյա որդին կորել էր: Վերջերս հայտնաբերել են մի տղայի, որը պնդում է, որ ինքը հենց այդ կորած տղան է:
6-ամյա Թիմոտիի անհետացումը շատ առեղծվածային էր: Մայրը նրան նախակրթարանից վերցրել էր ու հայտնել, որ ընտանեկան խնդիրների պատճառով մի քանի օր քաղաքից կբացակայեն, հետևաբար տղան կբացակայի: Հետո տղային տարել էր մանկական սրճարան, զբոսայգի: Մի քանի օր հետո կնոջը գտնում են Վիսկոնսիում, ինչ-որ մի մոթելում՝ մահացած: Նա սեղանի վրա գրություն էր թողել՝ «Ինքնասպանության համար որևէ մեկին չմեղադրել, որդին ապահով տեղում է՝ հոգատար մարդկանց մոտ»: Նա նաև ամուսնուն և հարազատներին հորդորում էր չփնտրել երեխային, միևնույն է երբեք նրան չեն գտնի:
Փորձաքննությունն ապացուցել է, որ կինը ինքնասպանություն է գործել, նրա մարմնի վրա բռնության հետքեր չեն հայտնաբերվել: Տղային փնտրելու հոր բոլոր ջանքերը անարդյունք եղան: Թիմոտիին այդպես էլ չգտան:

"He was lost & scared," says a Newport woman about a 14y/o boy on the street today. Teen tells police he's Timmothy Pitzen. Pitzen disappeared in 2011 after being taken by his mother. In her suicide note she wrote he was safe but would never be found. @Local12 #TimmothyPitzen pic.twitter.com/SQsvUv9dFT

— Brad Underwood (@BUnderwoodWKRC) April 4, 2019

Եվ ահա 8 տարի հետո, Կենտուկիի ոստիկանություն է ներկայանում մի պատանի, որը հայտնում է, որ նա հենց այդ կորած Թիմոտին է: Պատանին պատմել է, որ փախել է իր առևանգողների մոտից: Նրան փողոցում ուժասպառ տեսել են պատահական անցորդները, զանգել ոստիկանություն: Պատանին նկարագրել է իր առևանգողներին ու նշել մոթելի անունը, որտեղ հանգրվանել էին առևանգողները: Ըստ պատանու՝ առևանգողները 2-ն են, մարզական կեցվածքով, մեկը ծոծրակին կարիճի դաջվածք ունի, մյուսը թևին՝ օձի: Կենտուկի, Օհայո նահանգների ոստիկանները, հատուկ ջոկատայինները, անգամ՝ դաշնային անվտանգության աշխատակիցները մեկ ուժ դարձած անցան հանցագործներին գտնելու գործին: Սակայն ինչքան էլ, որ տարօրինակ էր՝ տարածքում, հյուրանոցներում, մոթելներում այդ մարդկանց ու նրանց մեքենան որևէ մեկը չէր տեսել:
Որքան առեղծվածային էր տղայի անհետանալը, այդքան էլ առեղծվածային էր նրա հայտնվելն ու շատ ավելի առեղծվածային իրականության բացահայտումը:
Մինչև պաշտոնական հայտարարությունը, ոստիկանությունը պատանուն ուղարկում է ԴՆԹ-ի թեստի: Ընդամենը մի քանի օր առաջ հրապարակվում է ԴՆԹ-ի թեստի արդյունքը: Պարզվում է՝ ոստիկանությունում որպես Թիմատի ներկայացող պատանին 23 տարեկան է, նրա անունը Բրայն Ռին է, նա նախկին դատապարտյալ է, Օհայոյի դատարանը նրան 14 տարի դատապարտած է եղել գողության համար:

---

Հետևեք   newmag-ին    Telegram–ում և    Instagram–ում

---