Տեղի ունեցավ newmag-ի հրատարակած «Նեյմար» գրքի շնորհանդեսը

Համաշխարհային ֆուտբոլի լատինաամերիկյան նոր շունչը, պատմության բոլոր ժամանակների ամենաբարձր տրանսֆերն, ու ամենասկանդալային բրազիլացին՝ ՆԵՅՄԱՐ։ newmag-ը հրատարակել է Լուկա Կայոլիի եռագրության վերջին հատորը. «Նեյմար. «Պարի Սեն Ժերմենի» բրազիլացի գերաստղի անկասելի վերելքը» սպորտային բեսթսելլերը: Գիրքը անգլերենից թարգմանել է Լիանա Զաքարյանը, որը մինչև այդ թարգմանել էր Կայոլիի «Ռոնալդու» և «Մեսսի» գրքերը:

«Փորձել ենք գիրքը ներկայացնել հասկանալի լեզվով, թեև գրվածն այդքան էլ բարդ չէր: Այդ պարզության հետ՝ հայերենը ներակայացնելն ուներ իր բարդությունները, բայց կարծում եմ՝  մենք հաղթահարեցինք դրանք»:

Թարգմանության խմբագիր Արմեն Ամիրխանյանի խոսքով՝ հայերեն սպորտային բովանդակություն ստեղծելն ունի իր բարդությունները:

«Մեր մարզական տերմինաբանությունը շատ աղքատիկ է և թարգմանությունը շատ դժվար է թարգմանչի ու նույնիսկ մեկնաբանների համար»:

Ինչպե՞ս մի քանի ամսական Նեյմարը ողջ մնաց ավտովթարից հետո, ինչպե՞ս ոգեշնչվեց Պելեից, հաղթահարեց վախն ու սկսեց զրոյից, սկանդալներով լի ճանապարհ դեպի Բարսելոնա, ապա՝ Փարիզ։ newmag-ի հրատարակած գրքի շնորհանդեսին մասնակցում էր նաև Հայաստանում Բրազիլիայի դեսպանը:

«Գիրքը հրաշալի ինֆորմացիա է տալիս, թե ինչպես է Բրազիլիայում զարգացել ֆուտբոլը, ինչպես է Նեյմարը ֆուտբոլային կարիերա արել Բրազիլիայում: Այս գիրքը կարդալով՝ կարող եք մեծ պատկերացում կազմել, թե ինչպես են Բրազիլիայում ֆուտբոլիստ դառնում»:

Կարդացեք նաև.

• newmag-ը ներկայացրեց «Ռոնալդու. կատարելության տենչով» գիրքը (տեսանյութ)

• 10 հետաքրքիր փաստ Մեսսիի մասին, որ կկարդաք Լուկա Կայոլիի գրքում

• Ի՞նչ է սովորեցնում Մեսսիի գիրքը. այն իրո՞ք այդքան մոտիվացնող է

Մարզական մեկնաբան Ռոբերտ Գասպարյանը հայերեն հրատարակության համար նախաբան է գրել: Նրա կարծիքով՝ Նեյմարը միայն ֆուտբոլիստ չէ: Նա ժամանակակից ֆուտբոլային բրենդ է:

«Խորհուրդ եմ տալիս անպայման կարդալ, որովհետև Նեյմարը, գուցե, Մեսսիից ու Ռոնալդուից ավելի մեծ ու բարդ ճանապարհ է անցել, իսկ թե ի՞նչ ճանապարհ՝ կպատմի գիրքը»:

«Նեյմար» գրքի գլխավոր հովանավորն է TotoGaming-ը:Ընկերության գործառնական գծով տնօրենի տեղակալի խոսքով՝ իրենց համար կարևոր է հայերեն սպորտային բովանդակություն ստեղծելը:

«Մենք փորձել ենք երկրպագուների համար գիրքն ավելի հետաքրքիր դարձնել և պատրաստել ենք սթիքերներ»:

Նեյմարի անձնական կյանքին և կարիերային վերաբերող տեղեկությունները մի քանի անգամ ճշգրտվել են: Ֆուտբոլային վերլուծաբան Արմեն Նիկողոսյանը և մարզական մեկնաբան Գրիգոր Ավետիսյանը առանձնացրել են այն հատուկ անուններն ու տերմինները, որոնք ընթերցողին կօգնեն ավելի լավ հասկանալ ֆուտբոլային պատմությունը: «Նեյմարն» արդեն գրախանութներում է:

Հետևեք   newmag-ին    Telegram–ում և    Instagram–ում