Սևանի ափին տեղի ունեցավ «Մարզվիր և հաջողիր» գրքի հեռուստաշնորհանդեսը (տեսանյութ)

«Մարզվիր և հաջողիր» գիրքը յուրահատուկ ուղեցույց է, որը բացահայտում է սպորտի և բիզնեսի կապը, ներկայացնում, թե ինչպես կարելի է սպորտից քաղած դասերը կիրառել կարիերայում։ Հեղինաները պատմել են, թե ինչպես են սկսել գործակցել ու գրել գիրք։ Քրիստոֆեր Դեդեյանը պատմեց, որ երկուսն էլ ամեն օր զբաղվել են սպորտով ու իրենց գաղափարների մասին գրել. 

«Սպորտը բիզնեսում մեծ առավելություններ է տալիս։ Սպորտով զբաղվող մարդիկ բիզնեսում ավելի կրեատիվ են, կարգապահ։ Ամեն ինչ սկսվում է մտքից։ Սպորտային մտածելակերպն ու կարգապահությունը շատ են օգնում բիզնեսում։ Մեծ նշանակություն ունի նաև մրցակցության ուժը, ինչը նույնպես սովորեցնում է սպորտը»։

Առագաստանավորդ, քրոս ֆիթ մարզիչ ու գրքի մյուս հեղինակ Մեթյու Դյուբրիքն ասում է, որ իր ամբողջ կյանքը նվիրել է սպորտին, զուգահեռ զբաղվել եմ նաև սպորտով ու հասկացել եմ, թե ինչպես են իրար օգնում այդ երկու ոլորտների հմտությունները. 

«Սպորտն իմ կյանքի ու բիզնեսի դպրոցն էր։ Սպորտում, մինչև կհաջողես, բազմաթիվ անգամներ պարտվում ես։ Հետևաբար, պետք է սիրես նաև ընթացքն ու ավելի լավը դառնալու ձգտումն օգտագործես հաջողության համար։ Մենք սովորեցնում ենք, թե ինչպես պետք է մարզվել, դասեր քաղել այդ մարզումներից։ 

Գրքի թարգմանիչ Նանե Մանուկյանը կարծում է, որ այս գրքի միջոցով հնարավոր է սկսել մարզվել ու սպորտում կիրառվող հմտություններն օգտագործել նաև բիզնեսում. «Ամենակարևորն այս գրքում այն է, որ այն սննդակարգի ու մարզվելու մասին չէ։ Ճիշտ չափաբաժնով ու գործնական օրինակներով ներկայացված է, թե ինչպես կարող է սպորտային մտածողությունն օգնել բիզնեսին։ 

Հեղինակները գրքում ցույց են տալիս և՛ իրենց անձնական փորձը, և՛ հաջողակ գործարարների ու մարզիկների օրինակը։ Գրքում հեղինակները էմոցիոնալ, զգայական, ոգեշնչող բաղադրիչը կապում են փաստերի, թվերի հետ։ Արդյունքում ստացվում է հեշտ ընթերցող գիրք։ Սպորտի ու բիզնեսի մասին շատ գրքեր կան, բայց այս գրքի առանձնահատկությունն այն է, որ համատեղում է այս երկու ոլորտները»։

Գրքի ամեն մի գլխի ավարտին հեղիանակներն առաջարկում են մտավոր ու ֆիզիկական վարժություններ։ Նրանք վստահ են, որ իրենց ձեռնարկով բռնելու են ամեն մի ընթերցողի ձեռքն ու ուղեկցեն մարզասրահ, իսկ հետո դեպի բիզնես։ 

Հեղինակները ոչ միայն իրենց փորձն են ցույցն են տալիս, այլ նաև բերում են հաջողակ քաղաքական գործիչների ու բիզնեսմենների օրինակը, թե ինչպես են նրանք տարիներ շարունակ ամեն օր իրենց ժամանակից մի հատվածը նվիրում սպորտին ու մարզվելուն։

Կարդացեք նաև

• Newmag-ը ներկայացնում է Քրիստոֆեր Դեդեյանի և Մեթյու Դյուբրիքի «Մարզվիր և Հաջողիր» գիրքը (թրեյլեր)