Հավատա ինքդ քեզ ու պատասխանատու եղիր երջանկությանդ համար. Ռեյչլ Հոլիս

Հավատա ինքդ քեզ ու պատասխանատու եղիր երջանկությանդ համար. Ռեյչլ Հոլիս

Խենթ և կենսուրախ բլոգերի՝ Ռեյչլ Հոլիսի գիրքը պատմում է` ինչպես ազատվել բարդույթներից, սիրել ու պատասխանատու լինել սեփական ինքնության և երջանկության համար:

«newmag»-ի հրատարակած «Աղջիկ ջան, ուշքի արի» գրքի հեղինակ Ռեյչլ Հոլիսը սոցցանցերում մշտապես կապի մեջ է իր լսարանի և հետևորդների հետ: Դժվար մանկությունն ու եղբոր ինքնասպանությունը հաղթահարած աղջկա տված խորհուրդները էժանագին ու հասարակ չեն: Գրքում Ռեյչլ Հոլիսը խոսում է մարմնի խնամքից մինչև սրտերի «խնամքի» մասին, ինչպես ազատվել բարդույթներից, ինչպես սիրել ու վստահել ինքդ քեզ և ինչպես դադարել հավատալ ստերին, որոնք հորինում ու որոնց հավատում են կանայք:

Գրքում մասնավորապես խոսվում է կանանց շրջանում ամենատարածված 5 սխալների մասին: Ռեյչլը կանանց հորդորում է հավատալ սեփական «ես»-ին, և բոլոր դժվարությունները կհաղթահարվեն, խնդիրներն էլ կլուծվեն:


Կարդացեք նաև.


Ռեյչլս Հոլիսը գրքում շեշտում է՝ «Հենց դու պետք է լինես քո սեփական պատմության հերոսը»: Հայտնի բլոգերը հավատում է այն ճշմարտությանը, որ ամեն մեկն ինքն է պատասխանատու իր ինքնության ու երջանկության համար:

Հարյուրավոր կանանց հուզող հարցերի պատասխանները Ռեյչլը հավաքել է մի գրքում, որպեսզի նեցուկ և օգտակար լինի խնդիրների առաջ կանգնած ու բարդույթավորված կանանց:

Գիրքն արդեն մի քանի ամիս է՝ հայ ընթերցողի սեղանին է: Այն օգնում է բազմաթիվ հայ կանանց ու աղջիկներին ապրել առանց կոմպլեքսների և երջանիկ լինել՝ անկախ խանգարող հանգամանքներից:

Գրքի նոր տպաքանակն այժմ առկա է գրախանութներում:


Հետևեք   newmag-ին    Telegram–ում և    Instagram–ում


Գրել կարծիք