Շախմատն ամեն ինչ խլում է մարդուց. Տիգրան Պետրոսյանի որդու ուղերձը

Շախմատն ամեն ինչ խլում է մարդուց. Տիգրան Պետրոսյանի որդու ուղերձը

Լեգենդար հայ շախմատիստի որդին ուղերձ է հղել շախմատի սիրահարներին և շնորհավորել իր հոր՝ Տիգրան Պետրոսյանի գրքի հայերեն տարբերակի հրատարակման առիթով

Ուզում եմ շնորհավորել շախմատի բոլոր սիրահարներին. Տիգրան Պետրոսյանի գիրքը լույս է տեսել հայերեն տարբերակով: Հայրս իր ամբողջ կյանքը նվիրել է շախմատին: Այդ գրքում նրա բոլոր մտքերն են՝ ճիշտ շախմատ խաղալու մասին: Շատ մեկնաբաններ և մեծ շախմատիստներ, որոնք հրատարակել են իրենց գրքերը, հիմնական ուշադրությունը կենտրոնացրել են տարբերակների վրա, իսկ այս գրքում հայրս բառերով բացատրել է՝ ինչու է պետք խաղալ այսպես, այլ ոչ թե այլ կերպ: Նա բացատրել է շախմատի իմաստը: Ես նույնպես ուզում եմ դիմել շախմատի երիտասարդ սիրահարներին, որոնք իսկապես ուզում են սովորել խաղալ շախմատ, ու գուցե իրենց ամբողջ կյանքը նվիրել այդ խաղին. բարձր որակի խաղ ցուցաբերելու համար նրանք պետք է հրաժարվեն ամեն ինչից և գիտակցեն, որ հնարավոր է՝ ուրիշ ոչ մի մասնագիտություն չունենան բացի շախմատից: Շախմատն ամեն ինչ խլում է մարդուց».-ասում է Տիգրան Պետրոսյանի որդին իր ուղերձում:


Հետևեք   newmag-ին    Telegram–ում  և    Instagram–ում


Գրել կարծիք