Ինչպե՞ս հայտնաբերել պոպուլիստին

Ինչպե՞ս հայտնաբերել պոպուլիստին

Մարդկանց վստահությունը շահելու համար պոպուլիստների հռետորաբանությունը հիմնականում նույնն է: Դա պարզապես որևէ բառ կամ արտահայտություն չէ: Նրանք ծավալուն պոպուլիստական բառապաշար ունեն:

Հասարակ մարդկանց մասին պոպուլիստ լիդերների ելույթներն ականջ են շոյում: Նրանք մասնավորապես խոսում են ժողովրդի կամքի մասին և նրանց բնութագրելիս օգտագործում «հասարակ», «աշխատասեր», «օրինապաշտ» ածականները:

Մեկ այլ բաղադրիչ, որ հաճախ կնկատեք նրանց խոսքում, չար ու վատ վերնախավի մասին մեջբերումներնն են: Մի քանի նման օրինակ`

  • «Ժամանակն է ազատագրել ֆրանսիացի ժողովրդին ինքնահավան և ամբարտավան վերնախավից» – Մարին Լը Պեն:
  • «Մարդիկ ուզում են հետ վերադարձնել իրենց երկրի և իրենց կյանքի հանդեպ վերահսկողությունը» – Դոնալդ Թրամփ:
  • «Եվրոպական էլիտան ձախողել է և այդ ձախողման խորհրդանիշը Եվրոպական հանձնաժողովն է» – Վիկտոր Օրբան:
  • «Բրեքսիթը ժողովրդի հաղթանակն էր համակարգի հանդեպ»- Նիգել Ֆարաժ:

Պոպուլիստներն այլ մեթոդների ևս դիմում են: Նրանք ամեն ինչ կանեն, որպեսզի ապացուցեն, որ հակառակորդը ոչ միայն մրցունակ չէ կամ լավ մասնագետ չէ, այլ նաև դավաճան է և հանցագործ:

Ոչ միայն կարևոր է, թե նրանք ինչ են ասում, այլ նաև` ինչպես են ասում: Այստեղ շատ կարևոր է կատարողական էլեմենտը, ոճը, շոուն: Խարիզմատիկ պոպուլիստները բարձրանում են բեմ, մի քանի հուսադրող նախադասություն ասում, որոնք հիմնված են ոչ թե փաստերի, այլ էմոցիաների վրա, և ժողովրդի աչքերում փրկության սիմվոլ դառնում:


Հետևեք newmag-ին Instagram-ում և Telegram-ում


 

Գրել կարծիք