Ավելի քան 175 տարի Անգլիական այգին անփոփոխ կանգնած է Երևանի սրտում, մինչդեռ դրա շուրջ փոխվել են կայսրություններ, վարչակարգեր, անուններ ու սահմաններ։

Այս գիրքը միավորում է այգին բացահայտելու տարբեր ճանապարհներ՝ այգիների ու դրախտի մասին մարդկային վաղեմի երազանքից մինչև այգու վերափոխումների վերակազմությունը՝ փաստաթղթերի, լուսանկարների, քարտեզների ու պահպանված հիշողությունների միջոցով։ Այն առաջարկում է գրողի հայացքով շրջել հիշողության, առասպելի և ժամանակակից քաղաքի համընկնող աշխարհագրություններում, դիտարկել, զարմանալ, լսել, երևակայել և այգին բացահայտել նորովի։

Գիրքն այգին դիտարկում է որպես կենդանի օրգանիզմ, որտեղ մարդկային ու բուսական պատմությունները միասին են աճել, և հարց է բարձրացնում՝ ի՞նչ կարող է պահպանել այգին այն ամենից, ինչ քաղաքը մոռանում է։

Այգուն ուշադիր նայելը հենց Երևանը կարդալն է։