Նոր սկանդալ Նեյմարի շուրջ. Նրան անվանում են «կապիկ», իսկ մարզաշապիկով մաքրում ոտքերը (տեսանյութ)
![newmag-y-n](https://newmag.am/public/assets/images/posts/5293/05490b73c5dba4032d1f1fa3c334920a.jpg)
Հերթական սկանդալի մեջ է հայտնվել բրազիլացի ֆուտբոլիստ Նեյմարը: Նրան ծանր որակազրկում է սպառնում՝ «Մարսելի» ֆուտբոլիստին հարվածելու համար: Նեյմարը հարվածել է մրցակցի ֆուտբոլիստ Ալվարո Գոնսալեսին և հեռացվել խաղադաշտից: Նեյմարը պնդում է, որ իր հասցեին Գոնսալեսը վիրավորական արատահայտություն է հնչեցրել: Հիմա ՊՍԺ-ն հատուկ աշխատանքային խումբ է ստեղծել, որը զբաղվում է թիմի հարձակվող Նեյմարի հասցեին ռասիստական վիրավորանքների ապացույցների հավաքագրմամբ: Սա Նեյմարի կարիերայում առաջին սկանդալային դրվագը չէ՝ Newmag-ի հրատարակած «Նեյմար» գրքում Lուկա Կայոլին ներկայացրել է տաղանդավոր ֆուտբոլիստի տաքարյուն կերպարը:
Նեյմարը մեղադրում է Գոնսալեսին իրեն ռասիստական վիրավորանքներ հասցնելու համար, իսկ խաղից հետո գրառում է արել սոցցանցերում՝ հայտարարելով, որ զղջում է իսպանացու դեմքին հարված չհասցնելու համար:
Ֆրանսիայի առաջնության 3-րդ տուրի «Պարի Սեն Ժերմենի» ու «Մարսելի» միջև հանդիպումը դարձավ սկանդալային ոչ միայն 5 կարմիր քարտերի, այլև Նեյմարի հայտարարության պատճառով: Նեյմարը մեղադրում է Գոնսալեսին իրեն ռասիստական վիրավորանքներ հասցնելու համար, իսկ խաղից հետո գրառում է արել սոցցանցերում՝ հայտարարելով, որ զղջում է իսպանացու դեմքին հարված չհասցնելու համար: Մինչդեռ Նեյմարն իր արարքի համար կարող է որակազրկվել 4-7 խաղով:
Ռասիզմի համար տեղ չկա: Մաքուր պայքար ու ամենօրյա շփում թիմակիցներիս ու ընկերներիս հետ: Երբեմն դու պետք է սովորես պարտվել ու ընդունել դա խաղադաշտում:
Այս մեղադրանքներին արձագանքել է «Մարսելի» պաշտպանը. «Ռասիզմի համար տեղ չկա: Մաքուր պայքար ու ամենօրյա շփում թիմակիցներիս ու ընկերներիս հետ: Երբեմն դու պետք է սովորես պարտվել ու ընդունել դա խաղադաշտում: Հիանալի: 3 միավոր այսօր: Շնորհակալություն ընտանիք»:
Կադրերից հիանալիորեն երևում է, որ Գոնսալեսը իսպաներենով Նեյմարին «կապիկ» է անվանել:
Գլխավոր մարզիչ Տոմաս Տուխելն ավելի վաղ հայտարարել էր, որ «Մարսելի» պաշտպան Ալվարո Գոնսալեսը Ֆրանսիայի առաջնության 2-րդ տուրում փարիզյան թիմի դեմ կայացած խաղի (0-1) ընթացքում ռասիստական վիրավորանքներ է հնչեցրել բրազիլացի ֆուտբոլիստի հասցեին: Ըստ նրա՝ այդ կադրերից հիանալիորեն երևում է, որ Գոնսալեսը իսպաներենով Նեյմարին «կապիկ» է անվանել:
Այս միջադեպից հետո ֆրանսիական «Մարսելի» պաշտոնական խանութում ՊՍԺ-ի բրազիլացի հարձակվող Նեյմարի մարզաշապիկը երկրպագուներն օգտագործել են որպես ոտքերը մաքրելու շոր: Բոլոր այցելուները խանութ մտնելիս տրորել են բրազիլացու մարզաշապիկը: Մարսելցիների նման պահվածքի պատճառը Նեյմարի արաքն է:
ֆրանսիական «Մարսելի» պաշտոնական խանութում ՊՍԺ-ի բրազիլացի հարձակվող Նեյմարի մարզաշապիկը երկրպագուներն օգտագործել են որպես ոտքերը մաքրելու շոր:
Աներկբա է՝ Նեյմարի գործողությունները պատժի արժանի են, բայց նա ունի արդարացում՝ իրեն վիրավորել են: Իհարկե, այս պատմությունն ավելի խորն արմատներ ունի: Նեյմարի և Մարսելի հարաբերությունները չեն ստացվել հենց սկզբից: Նեյմարի մասնակցությամբ Ֆրանսիայի առաջին գլխավոր դերբիի ժամանակ էլ են նրան սադրել, նորից ծեծկռտուք է եղել ու Նեյմարը հեռացվել է:
Նեյմարը բնավորության, սկանդալների և ակումբային խոհանոցի մասին ավելի մանրամասն` կարդացեք Լուկա Կայոլիի գրքում։
Նեյմարը հրեշտակ չէ, բայց «Մարսելի» ֆաների ոտքերն էլ ամպոտ չեն: Ոչ միշտ են ֆուտբոլիստները, անգամ թոփ աստղերը կարողանում տիրապետել իրենց, երբ կա սադրանք: Բայց երբ այդ սադրանքն ուղեկցվում է նաև ռասիզմով, այդտեղ արդարացում կարող է լինել ամեն ինչին: Նեյմարը բնավորության, սկանդալների և ակումբային խոհանոցի մասին ավելի մանրամասն` կարդացեք Լուկա Կայոլիի գրքում։
![Նեյմար](https://newmag.am/public/assets/images/books/c5d7005b4e8551b0d63d88ef5a3ec00d.jpg)
Լուկա Կայոլի
5800 ֏
Նկարագրություն
Նեյմարն ամենաերիտասարդ բրազիլացի ֆուտբոլիստն է, որը միջազգային մրցաշարերում դարձել է 60 գոլի հեղինակ։ Ժամանակն աշխատում է նրա օգտին, ու նա մոտենում է Պելեի 77 գոլերի ռեկորդին, որը երկար ժամանակ ոչ ոք չի կարողացել գերազանցել։ ՊՍԺ-ի հրաշամանուկը 22 տարեկանում արդեն հասցրել է Բրազիլիայի հավաքականում ավելի շատ գոլերի հեղինակ դառնալ, քան Ռիվալդոն ու Ժաիրզինյոն իրենց ամբողջ ֆուտբոլային կարիերայի ընթացքում։
Լուկա Կայոլին՝ Մեսսիի և Ռոնալդուի մասին սպորտային բեսթսելլերների հեղինակը, պատմում է Նեյմարի անկասելի առաջխաղացման մասին՝ բացառիկ ու ուղիղ կապ հաստատելով նրա ընկերների, ընտանիքի, մարզիչների, թիմակիցների և երկրպագուների հետ:
Գրքի լրամշակված տարբերակը պատմում է Աշխարհի գավաթի խաղարկությունների ժամանակ ֆուտբոլի նորագույն աստղի ապշեցուցիչ ելույթների, Բրազիլիայի հավաքականի պարտության, որում, թերևս, մեծ դեր է խաղացել Նեյմարի՝ վնասվածքներով պարտադրված բացակայությունը, և «Պարի Սեն Ժերմեն» տրանսֆերի մասին։
Կարդա նաև
![ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին](https://newmag.am/public/front/assets/images/placeholder.jpg)
ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին
![ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը](https://newmag.am/public/front/assets/images/placeholder.jpg)
ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը
![«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)](https://newmag.am/public/front/assets/images/placeholder.jpg)
«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)
![Որ մասնագիտություններն են նորաձև AI դարաշրջանում (տեսանյութ)](https://newmag.am/public/front/assets/images/placeholder.jpg)
Որ մասնագիտություններն են նորաձև AI դարաշրջանում (տեսանյութ)
![Վեպ՝ զարմանալի, անկանխատեսելի կյանքի, ընտանիքի ու ընկերների մասին (տեսանյութ)](https://newmag.am/public/front/assets/images/placeholder.jpg)