Արամ Խաչատրյանի անվան մրցույթի 2-րդ փուլ է անցել 10 երկրից 13 ջութակահար

Հունիսի 7-ի երեկոյան ավարտվել է Արամ Խաչատրյանի անվան 11-րդ միջազգային մրցույթի առաջին փուլը:
Ժյուրիի որոշմամբ 25 մասնակցից հաջորդ փուլ է անցել 13 ջութակահար 10 երկրից՝ Կիմ Յոկյունգ (Կորեայի Հանրապետություն), Կամիշիկիրյո Այկո (Ճապոնիա), Արդուխանյան Դավիթ (Ռուսաստան), Ֆրապիեր Պիեռ (Ֆրանսիա), Փարսադանյան Անի (Հայաստան), Լուկաս Կայա (Էստոնիա), Վարդանյան Մարիամ (Հայաստան), Կարմենովա Մերուերտ (Ղազախստան), Օբիսո Անդրեա (Իտալիա), Տարոսյան Ելենա (Ռուսաստան), Լեոն Նիքոլ (Վենեսուելա), Միլետիչ Իվա (Սերբիա), Նավասարդյան Արեգ (Հայաստան)։
Վերջիններս հունիսի 9-ին և 10-ին Արամ Խաչատրյանի տուն-թանգարանում կներկայանան մրցույթի 2-րդ փուլում։
Նշենք, որ Արամ Խաչատրյանի անվան միջազգային մրցույթի գլխավոր գործընկերն է ԱՊՀ անդամ երկրների հումանիտար համագործակցության միջպետական հիմնադրամը: Մրցույթի փուլերը գլխավոր հովանավոր «Յուքոմ» ընկերության շնորհիվ ուղիղ հեռարձակվում են առցանց՝ Արամ Խաչատրյանի անվան միջազգային մրցույթի կայքում: