Հայկական հանքային ջուրը, կոնյակը, բաստուրման ու մածունը` միջազգային շուկայում

2017-ը պետք է լինի արտահանումների տարի՝ Տնտեսական զարգացման ու ներդրումների նախարարության այս տարվա գլխավոր մարտահրավերն է: Անցած տարին փակվեց արտահանման ռեկորդային` 21 տոկոս ցուցանիշով: Բայց համախառն ներքին արդյուքնում արտահանումը դեռ 30 տոկոս է, մինչդեռ նպատակը` 40-50 տոկոսի հասցնելն է:

2017-ը նաեւ պետք է լինի արտահանման շուկաների ապակենտրոնացման տարի: ԵԱՏՄ մուտք գործելուց հետո, ապրանքաշրջանառությունը մեծացել է, բայց, օրինակ, Ռուսաստան արտահանումը դեռ մեկ շնչին մեկ դոլար 70 սենթին է համարժեք:
Իրանի դեպքում այդ ցուցանիշն ավելի ցածր է: Այս դեպքում, խոչնդոտներն ավելի շատ են: Հայկական հանքային ջուրը, կոնյակը, բաստուրման ու մածունը պետք է հասնեն նաեւ Իրան, հարեւան Իրանը դեռ մեր ապրանքների սերտիֆիկացումը չի ճանաչում: Լարսի անցակետին այլընտրանք գտնելը նույնպես այս տարվա առաջնահերթություն է:

Հունվարի 15-ից հայկական գինին, պանիրն ու ձկնատեսակներն էլ կվաճառվեն վերազգային կորպորացիներից մեկի` «Մետրո էյջիի» ցանցերում: Հայկական դեսպանություններն էլ օգնելու են հայկական ապրանքներն այլ երկրներում ավելի ճանաչելի դարձնել: